الضيقه اللي صبحتني على خمس

الضيقه اللي صبحتني على خمس

السلام عليكم ورحمة الله وبركاتة
وبعد
احب امسي عليكم بالخير
وقبل القصيد
انا مستغرب ان اكثر القصايد اللي انزلها
تنقل دايركت لشعراء المستقبل
مع العلم اني اكتب بأسمي الحقيقي

هاذي النقطه اللي احب استفسر عنها

اما القصيده تقول

الضيقه اللي صبحتني على خمس
غارت وغار الهم بسيوف ذكراه

جابت طواري واحد(ن) كمّل الخمس
اسنين ... جافيني ولا ادري بدعواه

يامشعل المنعور جهز لي الجمس
نبي نزور ديار خلّي ومرباه

نبغي نصبحهم مع طلعة الشمس
واشوف زوله لاسرح واتقفاه

لعل شوفه يفرح الخاطر العمس
ولعل يفرج هم صدري وبلواه

فكره تراودني من البارحه وامس
وانته حزامي فالخطر والملاقاه

تدري .... ترفق يارفيقي على الجمس
لاشوفه بحاصل ولا اضن بلقاه

تقبلوا تحياتي
اخوكم / ظافر العجمي

المصدر: الملتقى الجماهيري للشاعر محمد بن فطيس المري

تدري .... ترفق يارفيقي على الجمس
لاشوفه بحاصل ولا اضن بلقاه

ههههههههههه يازين الصدق زيناه ياظافر صح السانك مليون وبيض الله وجهك قصرت عنوة الجمس وسايقه
بنتظار جديدك
تجيتي لك

وعليكم السلام ورحمة الله وبركاته ,,

مسااك كل الخير والسعااده ياهلا ويامرحبا ,,

بالنسبه للنقل على ماظن ان اسمك لقب وتنقل الابيات الا شعراء المستقبل ,,

وبالنسبه للشامخه هاذي صح الله لساانك وصح قلبك وكلك ولاهنت وافيه ومعبره ,,

شكري وتقديري لك ووافر احتراامي .

صنديد يااام
صح الله السانك وعتلا شااانك
شاامخ وجزل يا الجزل نص راااقي وعقلاني لله درك
تقبل مروري المتواااضع

صح لسانك ياخوي

صح لسانك اخوي ظافر شاعر جميل للأمانه
اما بالنسبه لقصائدك ونقلها لقسم شعراء المستقبل يعود الى استخدامك لمعرف مستعار اللي هو :صنديد يام:
بأمكانك طلب تغيير معرفك الى ظافر العجمي عن طريق فتح موضوع طلب تغير المعرف في قسم بريد الاداره وماراح يقصرون معاك الاخوان

صح الله ابدانكككككم جميع
واعتلى شااااااااانكككم


والله لايهينكم على التوضيح وعلى المرور اللي اسعدني وشرفني

مرحبا يا ظافر وصح الله لسانك مليون وما يسدون ...
شاعر جزل وقصيدة جزله من راس صافي...

جرى التوضيح يالغالي من فريق عمل الموقع ...
وباستطاعتك تغيير الاسم مع بقاء اللقب تحته...

ظافر العجمي
صنديد يام

وذلك من خلال فتح موضوع في قسم بريد الاداره ، كما حصل مع كثير من الشعراء هنا ...
قصيدك كفو ويستحق البقاء هنا بكل جداره ، اتمنى ان تسارع في هذا الأمر ...
حتى ايضا تستطيع الحصول على لقب شاعر....

تحياتي اخي الكريم ...
( واعذرني على نقل القصايد مجددا ، فهذه قوانين يالغالي)
اذا تم التغيير سيتم ارجاع جميع قصائدك المنقوله هنا.....