قصائدهم في الذاكره

رد: قصائدهم في الذاكره

لاهنت اخي خالد
وهذي لراكان بن حثلين رحمه الله:
لا واهني يا طير منهو معـك حـام
والا انت تنقل لي حمايـض علومـي
ان كان لامن حمت وجهك على الشام
بايسر مغيب سهيل تبغـى تحومـي
باكتب معـك مكتـوب سـر ولا الام
ملفـاه ربـع كـل ابوهـم قرومـي
سلم علـى ربـع تنشـد بالاعـلام
لا واهني من شافهـم ربـع يومـي
ومن سايلك مني فانا من بنـي يـام
من لابة بالضيق تقضـي اللزومـي
ربعي ورا الصمـان وأنـا بـالاروام
من دونهم يزمـي بعيـد الرجومـي
ومن دونهم حوران ضلـع بعـد زام
دار اهلهـا مـا تعـرف السلومـي
حال البحر من دونهـم لـه تليطـام
ومن دونهم مايـات مـوج تعومـي
من عقب ما سيفي على الضد حطام
اليوم سيفي جادعـه كنـه شومـي
صارت سوالفنا معي مثـل الاحـلام
مالي جـدا يكـون عـد النجومـي
لا من ذكرت رموس عصر لنـا دام
قمـت اتملمـل والخلايـق نيومـي
يا الله ياللي طالبه مـا هـو يضـام
تفرج لشخص لاجـي عنـد قومـي
الله من عيـن لهـا سبعـة أعـوام
تسهر وتبكي مـن كثيـر الهمومـي
الحال باد وباقـي الجسـم وعظـام
كنـي مريـض واقـع ومحمومـي
وقعت انا في ديرة مـا بهـا اسـلام
والبن الاشقر مـا يـدار معدومـي
سجين سجن ولاجـي عنـد ظـلام
ودوني بحـور وبالحديـد محزومـي
والجفن يسهر تالي الليـل مـا نـام
ومن جملة الكيفات صرت محرومـي
وعزي لمن مثل عليه الدهـر هـام
مقصور رجل ولا جزع ما يشومـي
وصلاة ربي عد مـن يلبـس حـرام
واعداد ما تـذري ذواري السمومـي
علـى نبـي خصـه الله بـالاكـرام
على جميع الخلق صـار محشومـي

المصدر: الملتقى الجماهيري للشاعر محمد بن فطيس المري