نغمة الجوال

نغمة الجوال

نغمة الجوال و معايني برق(ن) سرى = رجعتني صوب عد الرواة المستحيل
غير كفكف مابقى منك يالليل الزرى =الصحيح الثبت مالك على [ظلمي] دليل
فيك لا وضع(ن) تغير و لا جرح(ن)برى = بس حزن(ن) يجرح الروح ودموع(ن) تسيل
و الوحيد اللي شكى منك حاربه الكرى = والخوي مابه خوي والشتاء ليله طويل
ياسمي النجم !! واعز وغلا من طرى = ياكريم(ن) بالمواجع و بحساسه بخيل
رد قلبي في محله و شوف اللي ترى= من كثير اوجاع الأحباب يكفيني قليل
و كان رجلك لا تقدمت ترجع بك ورى= فعتبرني في حياتك مثل عابر سبيل
من سموم البعد ماشفت في عينك ذرى=ومن خطا العذال ما لاح في كفك صقيل
كنك ماتدري وغيرك وهو غيرك درى !!؟= وكنك ماتسمع وانا اصيحلك صيحة دخيل
الغلا ما فيه منه و لا ردي برى = فيه علم[ن] مايغرك وهرج (ن) سلسبيل
آه ... ليت اللي جرى فالحقيقه ماجرى= قبل لا يستنكر الوقت ويبور العميل ؟!
يوم انا وياك والصدق والفقر خشرى= بسئلك دامه تبرى خليل(ن) من خليل؟
ماوقف [قلبي] على باب وصلك واحترى= ماتحمل كلمة الشين من صدر الذليل ؟
ماترك غيرك وباعه لعينك واشترى ؟ = ماجعل لك في عروقه من الرمضى مقيل ؟
الحقائق قدم عينك تشاف وتنقرى =والصراحه مالها لو تزعلنا مثيل !!
أقسم بربي و ربك و رب أم القرى ={{ماابتعدت الا من الخوف لا يلحقك ميل}} !
والنهايه دوك صدري من الحزن انفرى= لا طبيب(ن) سر حالي و لا بيدي حصيل!
ول ياحال(ن) من الوقت واصدوفه برى= اتعبوه الناس واعماه نكران الجميل
الوفا طبعه وفكره على العزه ضرى = لكن الدنيا كذا كل مازانت تميل
ياسمي النجم !! واعز واغلا من طرى = ليه اشوفك في منامي واضمك كل ليل!!؟
وأنت لا وضع(ن) تغير ولا جرح(ن) برى = ولا قدرت اخون عهدك ولا ادور بديل !!
نغمة الجوال ومعايني برق(ن) سرى = ودها بك لكن ارجع لظلمك مستحححيييل!!
دمت انا من خان ربه وكذب وافترى = ودام غيري راعي الطيب كساب الجميل!

المصدر: الملتقى الجماهيري للشاعر محمد بن فطيس المري

رد قلبي في محلـه و شـوف اللـي تـرى=من كثير اوجـاع الأحبـاب يكفينـي قليـل
و كان رجلك لا تقدمـت ترجـع بـك ورى=فعتبرني في حياتـك مثـل عابـر سبيـل
من سموم البعد ماشفـت فـي عينـك ذرى=ومن خطا العذال ما لاح في كفـك صقيـل




لاهنت وصح لسانك على القصيده الرائعه

الأخ الشاعر القدير راجح المشعلي صح لسانك
مدد والنهايـه دوك صـدري مــن الـحـزن انـفـرى لا طبيـب(ن) سـر حالـي و لا بـيـدي حصـيـل!
ول ياحـال(ن) مـن الـوقـت واصـدوفـه بــرى اتعـبـوه الـنــاس واعـمــاه نـكــران الجـمـيـل
مسامر النجمة//

صح السانك مدد وبيض الله وجهك
تحيتي لك

راجح ميزان الشعر لك راجح تسلم يبن العم صح لسانك
وابيض وجه شاعر لا عليه غبار تقبل تحيات
وتقدير اخوك سعيد ولاهنت

صح السانك واعتلا شانك
ابدعت

المطنوخه صح بدنك والشكر لمرورك

مسامر النجمه شكرا لمرورك ياغالي

الشاعر بدر صح بدنك ومشكور على مرورك

الشاعر سعيد ابو محمد صح بدنك ولا هنت على مرورك والتشريف الكريم منك