(قاصد كريم + ثورة الزير )

رد: (قاصد كريم + ثورة الزير )

قاصد كريم

ياسلامي على الحضره واهلها كل مانسنس الغربي بنود
عد ماطالعتني في سماها نجمة الصبح والليل استــوى


ثورة الزير في الميدان ثورة ليت ماعقب ثورتها خمود
احتراق المحرك يستمر ان كان ياصله بنزين وهـوى


ثورة الزير


مرحبا يالمسلـم مرحبـا بـك ياصـدوق الحلآيـف والوعـود
أطرق القآف ياقاصد كريم وهاك قاف ٍ على المعنى خوى

ثورة الزير في الميدآن ثارت كل ماحك رأس العـود عـود
ثار زندي على رؤس الجبال الشاهقة بـوم ذيبـك ماعـوى



قاصد كريم

نحمد الله ولدنا من ظهرنا كل مازادت القاله يزود
واشهد انه اذا دارت رحاها قايد الخيل حمال اللوى

لارتفع سوق الاسهم في وطنا صاب سوق العقارات الركود
القضيه كبيره والمهم اشلون نقدر نعليهن سوى



ثورةالزير

أحمد الله ليا مني عسفت الكآيده قالت أرقـي بـي سنـود
وأنت لوقلت عاسفها طناخت رأس باقول لك مالك لوى

القضية كبيرة في وطنكـم شيخكـم مالقـى حولـه شهـود
شيب رأسه من اللي دآر حوله كل ماطاح ماعيّـن دوى


قاصد كريم


كل ماتعلن التوبه حليمه عودت ياعساها ماتعود
حسبي الله عليكي ياحليمه ماتتوبين من طرد الهوى




يابراقش زمنا لاهتديتي لاتسوي مثل راع القعود
يوم كسر شداده شب ناره وامرح الليل مقوي مااشتوى



ثورة الزير


أنت ودك تسولف بالسوالف غير ترطن مثل رطـن الهنـود
من ورد عِدكم ماهـوب شـارب كـل ماجـاه صـدّر ماأرتـوى

لا تهقوى علينا ياقويصد وأنـت سمـوك فـي الديـره شـرود
سرحوه النشامى في وطنهم ولي ضوى الليل عيا ماضوى



قاصد كريم

زادكم ماطعمنا منه فود ولاتركنا بقاع الصحن فود
من يمد الجزيله في عيون الناس مرفوع قدر ومستوى

دارنا يامن الطرقي جبلها وارتعي في حمانا يالعنود
ونجمنا زلزل الساحه باهلها واحذري النجم لامنه هوى


ثورة الزير

باضربه في عضامه لين يبـرك وأشهـدوا ياعريبيـن الجـدود
وإن تحرك على علباه ضربه لين أشوفه على الجنب إنزوى


شرهـتـي ياجـبـال أبـهـا كبـيـره لـيـه حـيـدك ذواري للـقـرود؟
شوفي جبال نجد ومن دهلها غيـر حـر ٍ علـى الصيـد إحتـوى


قاصد كريم

ياعرب ياعجم ياكراد ياللي تعرفون النصارى واليهود
كل شي يتداوى غير شي(ن في عقول البشر ماله دوى

انتي انتي على ماانتي ضعيفه ماتعرفين لاهل الجود جود
ياكبر شرهتك ياقل حيلك ياعيون الحسا مدري الجوى


ثورة الزير



أبك أنا شاعرة مالآن رأسي إبك أنـا هرجتـي سـم الكبـود
ليـه ضويـت ساريـت القوافـي ليـه تنسـى تفاسيـر الــروى

ياضعيف الهقاوي ياضعيف الرأس ماعاد في نفسك جهود
قـول للـي تهقـوو يكسـرونـي أمـرحـوا ياملآعـيـن الـثـوى



قاصد كريم


قصة الزير سالم يرحم الله روحت مثل اهل عاد وثمود
وكان باقي براسك حب واجد نطحن الحب وندق النوى

بيتكم ياهل البيت المثولث ارفعوا بيتكم فوق العمود
لايطيح البنى من فوق ناره يحترق والعرب ماهي سوى


ثورة الزير


قصة الزيـر سالـم عادهـا للحيـن وأنـت الله الله بالركـود
خل عنك المهايط والتغطرس وأنت غصن ٍ وتاليه إنذوى

كـان ماتعرفـون العسكـريـة الـجـزى ياعسـاكـر للجـنـود
وأنت جندي من جنـودي تعـال وحينـي رتبتـي رتبـه لـوى



قاصد كريم



تقطعين العصي من كل وادي لين لابليس تنقادين قود
راعي الغي ماغير طبوعه اتركه لين يعميه الغوى



بس انا باعتقك ياجاريتنا شيمة الحر للناس القعود
قلت بالشام صارت معركتنا شامنا وين هو عن نينوى


ثورة الزير


لا قطعت العصا شرواك يبعد قبل مايبعد القلب الحسـود
لا حد ٍ ينقد الليلة عليه إن كان صوته من العبرة صوى

عمتك ثورة الزير الكبيرة وأنت ترعى بهمنا في النفـود
بعتقك دام رأسك مايشيل الزايـده مـن مطاريـق الكـوى






صح السنتكم شعراءنا ماقصرتو وافين وليله ممتعه بيضتو وجيهنا واستمتعنا معنا والشكر ايضا موصول للي تابع وشاركنا .. وشكر لهوى الغربي اختصر علي التنسيق الله يبيض وجيهكم ولا يهينكم جميعاً


مع تحيات فريق عمل الموقع

المصدر: الملتقى الجماهيري للشاعر محمد بن فطيس المري