سلام والمعنى سنام ** علي الجهات الاربعه

سلام والمعنى سنام ** علي الجهات الاربعه

سلام من شاعر المعنى ، واللي حضر يلزم الطاعه
شاعر ويلعب على المعنى ، يقدح زناده من اذراعه
وصــــــــــــبر زود مواجعنا، ناسا مع الدرب قطاعه

يالالالالالا سلام والمعنى سنام ** يلالالالالا علي الجهات الاربعه
يالالالالالااضرب لو فك الحام **يالالالالالا وين المهندس يرقعه

المصدر: الملتقى الجماهيري للشاعر محمد بن فطيس المري

هذا الرابط اللي يبي يلعب

يبدو لي اني بروح اليوتيوب بسمع المحاوره , ههههههههههه
صح لسانك يّ الذيب , وانا شفتك منزل الموضوع البارح , أكيد ان الموال شااااااااااااااااااااااااااااااااب

صح لسانك والقادم اجمل

ابد مارح شي طال عمرك ومشكور على المرور اللي كثر من رايع

مرحبا اخوي سنجار ..
يعلم الله اني مشغول ، ولكن اعجابي بالطاروق جبرني باللعب..
حياك ربي....

سنجار يبدع من الحرّة ،، شاعر ويلعب بمسباحه
حيّاه ربي مية مرّه ،، الليل يعرف على الساحة
الناس مآ تتبع الجرّة ،، لعلوم غادي وروّاحه
( والملعبه نارها حيه ، يا اهل المواويل غنوها)

يا لا له يا لا لال ، يا مرحبا والليل دام
يا لا له يا لا لال ، والوجع ضرسه نقلعه
يا لا له يا لا لال ، الضرب لو جا بالكلام
يا لا له يا لا لال ، سنجار لا احدن يفرعه!!

طاروق ناري .. ياليت لو اتحددون وقت وتلعبون ..
وسجلوني ضمن الجمهور .. صحت الالسن

انا بورد لك الــحجه ، احكم مادامك محــافظها
حاول تحافظ على الحجه ، بركانها وانت حافظها
شله تبي تســرق الحَجه وعيونــها في محافظها

يالالالالالا يامرحبا من صــــلب يام ** يالالالالالا اسمع كلامه واسمعه
يالالالالالا ضربه على صم العظام ** يالالالالالا بجيك ضربه موجعه

مرحبا بالجميع تراحيب المطر والله اني تحطمت نفسيا يوم ماشف ما حد رد

وبيض الله وجهك يافهد على التشجيع برد القوي

انا رديت بشقر وانت اللي ودك اذا ماتبي ترد بشقر او بدون

مرحبا يالامير جعلك سالم والاهنت على الدعم المعنوي وبيض الله وجهك

اما سالفه التنسيق والله انه ودي يكون بيننا تنسيق والمشكله خايف لانسق مع احد ويجيني شغل ولا اقدر اجيه وبعده يزعل على

لاكن مفروض يكون في وقت نتجمع كلنا فيه كل يوم ونحدد ساعه معنيه تناسب مع الكل

مثلا الساعه 4 العصر اوالساعه 10 ونشوف اقلب الاراء ايش تقول

مره ثانيه مرحبا باللي مر ولا علق ومرحبا بالجميع تراحيب المطر