حنااان المووضه

حنااان المووضه

القصايد بعثرت فيني (حنان الموضه)=لين قمت ابعثر حروف الجمل تلقائي

ما دريت اني مسوي يا قصيدي فوضه=غير يوم الناس لامتني على ايحائي

والرجال اللي غدت بين العرب محظوظه=الله يبارك علي في حظي العشوائي

دام ناموس الكرامه داخلي محفوظه=مستحيل انثر على العالم جميع اعبائي

ايه يابرقٍ من القبله تبادا نوضه=بارقه يرسل شعاعه في جميع اجوائي

الجسد والروح مما شافته مرضوضه=والعنا والياس ترجمني على ضوضائي

كل بحر وكل طرق وكل مجد اخوضه=بس نور البرق يسعى دايما لاغوائي

السيول اليا زمت كلا يعبي حوضه=والنوايا لا تردت تشحن البلوائي

لا ارتفع سهم المشاعر او بقت مخفوظه=والله ان ابقى على راس السنام النائي

كل حاجه في زمنا يا بشر مرفوضه=تستجر النفس مثل الدانه الحسنائي

والحجج مهما تعسر دايما منقوضه=بالرضى بالطيب لازم تستمد ارائي

ناصر اقبل بالجمل واغراضها معروضه=كل واحد ينتقي منها بلا استثنائي

والعقول اللي معى هلها غدت مخضوضه=الله ينجي هل العليا من الاغمائي

المصدر: الملتقى الجماهيري للشاعر محمد بن فطيس المري

الله يمسيك بالخير ليش ياناصر

تغير في القافيه

ههههههههههههههههه


جزل دايم ياناصر الله يخليك يالغالي مبدع الله لايظرك

صح الله لسانك ياناصر وبيض الله وجهك .. دائما وابدا جزل لأبعد الحدود .. اهنيك على قريحتك الشعريه التي لا تأبى الا بالجزاله .. تحياتي وتقديري يا اخي العزيز ..

اقتباس المشاركة الأصلية كتبت بواسطة عبدالله السفياني الله يمسيك بالخير ليش ياناصر تغير في القافيه ههههههههههههههههه جزل دايم ياناصر الله يخليك يالغالي مبدع الله لايظرك

وانت الله يمسيك بالخير والعافيه

حركات شعراء لابد من التغيير

ههههههههههههههه

تسلم على المرور الله يحفظك ويسمع منك

تقبل تحياتي وخالص تقديري

ناصــــ~ـــر صح السانك
ولاهنت ع القصيده الجزله
تقبل مروري

شاعر جزل ياناصر ماشاء الله عليك


صح لسانك ولاهنت يالغالي

صح لسانك ناصر,,,
والفاظك عميقه ,,,

تسلم يمينكـ

ناصر الشريف

ابيات في غايه الروووعه

تسلم يمينك قصيده جزله وشاعر متمكن

ربي يوفقك دنيا واخره

تقبل مروري

صح لسانك أخوي ناصر..أبياتك لها رونق خاص يميزك عن الكل

أدام الله لك هالجزاله..لاهنت يالذيب

اقتباس المشاركة الأصلية كتبت بواسطة أمير الشريف صح الله لسانك ياناصر وبيض الله وجهك .. دائما وابدا جزل لأبعد الحدود .. اهنيك على قريحتك الشعريه التي لا تأبى الا بالجزاله .. تحياتي وتقديري يا اخي العزيز ..

صح بدنك يا امير ووجهك ابيض والله لايهينك على الاطراء الجميل

وتسلم على ما خطته يمينك هنا تقبل خالص تقديري

وعرفاني