مساجله بيني وبين احد الشعراء ا

مساجله بيني وبين احد الشعراء ا

السلام عليكم ورحمة الله وبركاته هذه أبيات بيني وبين احد الشعراء

بمنتدى القبيلة ولاكن لم اذكر اسم الشاعر لتسجيله بلقب وعدم الرغبة بالإفصاح

عن اسمه ارجو العذر وان تنال إعجابكم ورمضااان كريم


الأبيات الموجهه لي

يانديبي فوق جيبن كاسبينه --- فيه ماسقنا جنيه ولا ريالي

اعترضته مع شبابن سارقينه --- قلت عنه ياسرابيت العيالي

قالوا ان من عند أبونا ماخذينه --- قلت والله مايجي دونه جدالي

اركبه ياشيخ وألعن والدينه --- لن ماله من حلالي راس مالي

اقطع اخطوط القرايا والمدينه --- لين تأصل بوحمد راع الجزالي

شاعرن في المنتدى ومنصبينه --- مشرفن يرقا على روس الطوالي

حب لي خشمه عسى تسلم يمينه --- ووصل المرسول من غالي لغالي


وهذا الرد مني

راكب اللي من تعبنا جالبينه --- رخصته ماهي بتخضع لسؤالي

للشدايد والمواقف ذاخرينه --- ماهو بدواج في كل الليالي

ما على يسراه ولا عن يمينه --- غير ذود وبيت عز وطيب فالي

وجهه للشيخ كساب الثمينه --- واشرب الفنجال من صفر الدالالي

وأعطه المفتاح فورا في يدينه --- والله انه ما يعود من حلالي

مدتي جزله ومداته سمينه --- والرجال ترد معروف الرجالي

المصدر: الملتقى الجماهيري للشاعر محمد بن فطيس المري

وارجال ترد معروف الرجالي
كفو كفو وصح السانك مليون ولايسدون
تحيتي لك

مدتي جزله ومداته سمينه --- والرجال ترد معروف الرجالي

كفوووو وبيض الله وجهك تقول وتطول يالقرم ,,


وعليكم السلام ورحمة الله وبركاته ,,

هلا ومرحبا يابو حمد حياك الله وشهرك مبارك وعسااك من عواده ,,

صح الله لساان الشاعر وصح الله لساانك ولاهنت مردود جزل وانت معهود بالجزاله طال عمرك ,,

تقديري وشكري لك .

بدر الشدادي ارررررحب مليون ولا عليك زود يالغالي

هذا من ذوقك وتسلم شرفني مرورك المميز

وكل التحااااااايا لسمووك

خالد العبيريد الله يحييك يالغالي وكل عام وانت بخير وصحه وسلامه

كل الشكر لمرورك الاكثر من رائع وصح بدنك وقلبك

تحيااااتي لك اخوي خالد وتسلم على حظورك