ليه اذا شفتك همومي تنزاح ,,وانسى الحزن والالم و الجراح ,,

رد: ليه اذا شفتك همومي تنزاح ,,وانسى الحزن والالم و الجراح ,,

ضآيق ٍصدري وربَّك .. طقت فوق اللي أطيقه !
عآيش ٍوحدي بـ دنيآ .. منحبس فيهآ سجين !

والله إني الحزن فيني .. معتبرني له / صديقه !
حتَّى في ضحكي دموعي .. ليه في عينه يزين ؟

وصدفة ٍ قآبلت وآحد .. قآل حزنك .. في حريقه
إنت حزنك شيَّ عآدي .. حزن من دون الحنين !

وجآء يقول إن المشآعر .. والأحآسيس الرقيقة
تنتمي .. في كلَّ أنثى ..والرجُل مآهو حزين !

والدموع بـ كلَّ أنثى .. وسط عينيهآ .. غريقة
والرجُل .. دآيم بـ ضحكه .. مهتني فيهآ سنين

قلت : لآ يكثر كلآمك .. جآب لي همَّ ٍ.. وضيقة
لآ يغرَّك ضحكنآ .. والحزن يقسى .. مآ يلين !

والله لو يذرف دموعه ..مآت بـ عيون الخليقة
عيب ٍ ..الرجَّآل يبكـي .. لو يزيد بْه .. الأنين !

لو تذوق اللي نذوقه ..من وجع لو بس دقيقة !
صدَّقوني يآ عرب .. بـ تموت في غمضآت عين



كآن .. تبغآهآ مجآمل ؟ .. وإلآ .. تبغآهآ حقيقة ؟
فـ الحزن / حتَّى الذكر .. [ له مثل حظَّ الأنثيَّين ]

المصدر: الملتقى الجماهيري للشاعر محمد بن فطيس المري