منت بنصيب الي رجا بـك نصيبـه

منت بنصيب الي رجا بـك نصيبـه

مدخل :/

( يقول ) :- عينـك حزنها يرسم الياس
.............. يا صاحبي صاحبّك ما اظن له ( طب )
فيني شتات أشواق , مع ضجّة احساس
.............. لكن قسم بالله .. مـدري من ( آحب ) .!

.



عليك صبري ياحزن كل ماهمـت
. . . . مع الخيـال و كـل { ذكـرى} قريبـه


والموت لامن حار دمع و تبسَمـت
. . . . يطغي عليَ العـز و{ تصيـح }هيبـه



ودنقت ثم افقد شعـوري وسلَمـت
. . . . للدمع حالي { ليـن } يبطـي صبيبـه


يا صاحبي قبل الحكي لـو تلعثمـت
. . . . ضاقت صدور { اهل } الصدور الرحيبـه


وش ينفعك عقب البطـا لا تندَمـت
. . . . وين انت عن صوت { الخفوق } و نحيبـه


كم لي انادي لك و لكن تفهمَـت
. . . . ماكل شـي ٍ { خاطـري بـه } بجيبـه


لاتعتذر للجرح و البعد مادمـت
. . . . فرطت في قلـب ٍ { تغشَـاك } طيبـه


صعب التفت وارجع ليامن تقدَمـت
. . . . منت بنصيب الي { رجا بـك } نصيبـه


أسرفت في جرحي وانا ماتكلَمـت
. . . . وقلت الخطا { وارد } و قلب وحبيبه


ماهي مصيبه لو خطيت وتعلَمت
. . . . تخطي و { ترجع بالخطا } ذي مصيبه


ولاهي غريبه إن جرحت وتألمت
. . . . لكن بجرحي { تبتسـم } , ذي غريبـه


واليوم مالي بـ/ الهوى لو تكرمت
. . . . و جرحي مع الايـام { بلقـا } طبيبـه


خل المشاعر ترقد { بعالم الصمـت }
. . . . و الحب بعد الي حصل , لاتحكي بـه



.

مخرج :/

لا تحتــري مني رسـاله وميعاد ..............
حـتـى لـو إنـك جايـبٍ فيني ( العيد )
خلنا كذا نشتاق لأننا ( بعاد ) ...............
ونعشق بعّض لكن من بعيد لـ بعيد !

المصدر: الملتقى الجماهيري للشاعر محمد بن فطيس المري

أسرفت في جرحي وانا ماتكلَمـت
. . . . وقلت الخطا { وارد } و قلب وحبيبه


ماهي مصيبه لو خطيت وتعلَمت
. . . . تخطي و { ترجع بالخطا } ذي مصيبه

ابيات رااائعه
صح لسان شاعرها
وتسلم يمينك يالغلا
على هالإنتقاء الرااائع .

لاتعتذر للجرح و البعد مادمـت
. . . . فرطت في قلـب ٍ { تغشَـاك } طيبـه
* * *
صح السان شاع ــرها.. ابيات رائعه وتسلم يم ــناش ع نقلها..
تقبلي مروري ..وتقديري

خل المشاعر ترقد { بعالم الصمـت }
. . . . و الحب بعد الي حصل , لاتحكي بـه

" شيهانه "
يسلمو على الأنتقاء المميز راقت لي وبانتظار جديدك بشوق .
دمتي بود

قصيده ولا اروووووع
سلمت يمينك على
نقل كل ماااهو مميز
تسسسسسسلمي

إِبدَىعْ فكري رَهيبْ
وفَلسَفة شَعرية رَآئعة وَعذبه ..

شُكراً ..