الهوى جوره عظيم ويتعب الرجل الشديد,,

رد: الهوى جوره عظيم ويتعب الرجل الشديد,,

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وسرور,,

يقولون ليه ماتعطينا من الغزل وهاذي غزل عساها تجمل بس,,

من هجوس ٍ لانخيته قال حاضر وش تريد=ابدع القيفان والقيفان تاصل للمرادي
اتسلى لابدة ضيقة فوادي بالقصيد=بعد ذكر الله وشكره عالم ٍ خافي فوادي
واسند المكتوب لااحمد خابره رجل ٍ سديد=ماقصر عزمه عن الواجب ولاصابه حيادي
يأاحمد اببدي لك الشكوى وانا منك استفيد=وجه الي طال مشيه فالهوى هايم وغادي
طاح قلبي في هوى بنت ٍ لها طبع ٍ عنيد=تجرح العاشق برمح الهجر وتزود العنادي
وان نويت اصد عنها تضحك بثغرن فريد=وتشر برمش النواظر بعد مرفوع الايادي
وارجع من الشوق مسرع وانهض الحض البليد=ثم مشت عني وقفت ماكمل بالسرع مادي
ااه يااحمد خافقي من صدها ينزف صديد=وانبرا جسمي ولافاده مع الايام زادي
ذااب قلبي وسط صدري مثل ماذاب الجليد=لابدت شمس النهار وضاع نسناس البرادي
الهوى جوره عظيم ويتعب الرجل الشديد=مال قلب العاشق المجروح صبر ٍ واجتلادي
والهواوي خافقه دايم مثل غصن الجريد=يتناحا صاحبه لاهب نسناس وبرااادي

وسلامة نواظركم وقلوبكم,, خالد العبيريد.



هلا هلا هلا هلا هلا
وعليك السلام ورحمة الله وبركاته
ارررررررررررررررررررحب يبو سهيل
والله عليك يا الغااالي
صح صح صح صح الله الساااااااااااانك وعتلا شااااااااااااانك
ويا لبى قلبك على هالقصيدة الفاخرة حراام انها خذت مابقلبي كله من جزالتها
وليه ما اردفتها برد ابو سهيل
بيض الله وجهك ولا هنت

المصدر: الملتقى الجماهيري للشاعر محمد بن فطيس المري