اص....لاح...

اص....لاح...

بسم الله الرحمن الرحيم

قصة لطيفة خفيفة...((ان شاء الله تكون كذا))...

صالح :
في آخر السيب وفي أعلى السقف
وعلى اليمين فوق بيت الدرج وتحت الدولاب حق الأغراض اللي تكسرت ولا صارت تصلح
واللي فيه أوراقنا اللي كنا نشخبط ونلخبط فيها أنا وأنت ومصلح ونكتب أحلامنا عليها وكلام ملخبط ما ينفهم وحطيناها في الدرج الأخير من فوق الدرفة اللي ما لها مسكة يد
صلاح : وين؟ هذيك ؟
صالح : ايه هذيك،شفتها؟
صلاح :ايه شفتها
صالح : روح دور فيها وقلب ممكن تحصل شيء
صلاح : هههههههه الله يقطع سؤالفك
وش طرى؟
صالح : قم يا خوووووي وروح أمكن تحصل شيء حلو وينفع
صلاح : أسمع صالح ، أخوي مصلح انتحر ومات من يوم جابو هلي هالدولاب اللي فوق بيت الدرج ولو فتحته اليوم راح تذكرني بمصلح وأنا ما أبي اتذكر (آه آه يا صالح ما فيها غير الوجع والألم، ماني رايح)
صالح:
طيب ما علينا،انت تدري يا صلاح ان علاقتي بمصلح كانت علاقة قوية جدا وأنا أعرف كل الأماكن اللي كان يروح لها وزي كذا
صلاح: طيب وبعدين!؟
صالح: شفت الشارع اللي اخره اشارة اللي عندها لفة اللي تؤدي على الشارع الثاني
اللي فيه دوار الكورة المدورة اللي يؤديك للدايري عرفته ؟
صلاح: لا ما عرفت
صالح :صح، انت كنت صغير وقتها ما نأخذك معنا كثير ،
طيب ،
شفت البقالة اللي جنب السوبر الكبير ؟!
اللي جنبها حلاق ومجزرة، المحطة الكبيرة ذييك
عرفتها؟
صلاح : ايه عرفتها ؤش فيها ؟
صالح : الجهة البعيدة الثانية من ورئ هناك تحصل محل تسجيلات أغاني مسرعة وأناشيد فيها موسيقى، المهم، المحل اللي مقابل التسجيلات حق القهوة والبن اللي جنبه المحل هذاك راعي اللوحة الكبيرة الخضراء اللي مكتوب عليها بالأبيض
وش كان اسمه ؟
صلاح : أوووووه انت تبني الحق خوي مصلح ؟!!
صالح : ليه عسى ما شر ؟
صلاح: المحل اسمه( إصلاح) الله يرجك
صالح : ايه هذا هو الاسم (إصلاح )
ترى يقولون راعيه صويلح مات والظاهر انه منتحر والله يعافينا
صلاح : حسبي الله عليك يا صالح
صالح : هدي ،،، أعصابك
ترى المحل ' إصلاح بنشر '
لا تودينا في داهية انت حسبي الله عليك
ما تخلي أحد يسولف على راحته

أ . هٍـ
حسن الشنيف
بقلمي...

معليش/////أحد فهم شي؟؟؟
لأني مو فاهم شي!!!

المصدر: الملتقى الجماهيري للشاعر محمد بن فطيس المري

ٍٍ تسسلم يعطيك العافييه ٍٍٍ

ٍٍ مبدع ٍٍٍ

سلمتي روابي
والله يعفافيك

هههههههههههههههههههههه بصراحه مافهمت شيء بس استمتعت بقرائتها يعطيكـ العافيه وتستاهل اطلق تقيم

تسلمين أختي فرح ع المرور
والمهم انك استمتعتي واللي أقصده مكتوب باللوحة الخضراء ؟؟؟؟
شكرا على المرور

مممممممم حسن والله مبدع
بس تحمست توقعتها اطول بشوف نهايتها

صراحة لو تكتب قصص اطول من هذي اتوقع تطلع تجنن
لانك حمستنا بالبدايه بس ناقصها تكملها وتحط لها نهايه

ولاتحرمنا جديدك اخوي

هههههههههههههههههههههه
الله عليك يا حسن تعلب على الحبلين
ومفهومه يا يبو صالح
تسلم ولاهنت ويا الله في الصلاح يا الله
تقييمي

حسن هههههههههههههه ابك بالهون رحنا في غبة وهم يمال الشحم ,,

اررررررحب حي الله ابو صالح ,,

اقسم بالله انك مبدع والله يررحم صلاح والعوض بأخوانه ودمت مميز الله يرعاك ويحفظك والعنوان يكفي ,,

تحياااتي وتقييمي .

غصة حزن
حياك وحي الله الطلة
حضورك أسعدني
أبشري بإذن الله المرات الجاية تكون أجمل

عامر ل شنيف حياك الله
ولا خلا ول عدم
ويالله في الصلاح