اللي حبك قبل أحبك

اللي حبك قبل أحبك

من زمان..

وأنا نفسي..

أسألك هذا السؤال:

اللِّي حبك.. قبل أحبك

حس مثلي بها الجمال ؟!

حس إن الدنيا روعه

وكل شيء فيها.. خيال ؟!

حس قلبه.. مثل نجمه

وإن صدره

ممتلي بضيّ النهار

وإن مهو إنسان عادي

وإنه أقرب للكمال ؟!

اللي حبك

لمَّا حبك..

صارت إيدينه مرافي..

للصباحات النديه ؟!

وصار قلبه..

للأغاني البيض.. جال ؟!

سولفيلي..

كان يكتب لك قصايد ؟!

كان يرسم فالورق

قمره وجدايلها طوال

وكان يقول لك: تشبهك..

بس ناقصها تصير.. عيونها..

مسحوبه فوق.. شوي

من تحت الهلال ؟!

وش كان يقول عن ضحكتك ؟!

كان يحس.. بأنها..

أجمل موسيقى.

وإن لها.. في نهايتها

ظلال؟!

ولما كنتي تسولفين

كان مثلي

يجمع الورد ويغبي.. بالسّلال ؟!

كان دايم يذكر الله

لا مشيتي

وانتثر عطر الخزامى

فوق وجه الأرض.. سال ؟!

ويقول لما يشوفك..

تشرحين اللين.. للغصن الطري

تعلمينه

ألف.. باء.. تاء الدلال ؟!

كان يسولف للبنات

عنك إنتي

وعن هواك اللي خذاه

وما ترك لإنسانه غيرك

في نظر عينه مجال ؟!

اللي حبك.. قبل أحبك

عمره ما حس بغرور ؟!

ولاَّ لما تخطرين إنتي في باله

ما يحس بكبر حظه

كونك إنتي.. له وحده

له.. من بد الرجال ؟!

اللي حبك.. قبل أحبك

هو شافك..

مثل ما أنا أشوفك

شيء كبير

ونعمه تستاهل شكر

حتى لا يجيها الزوال ؟!

مو مهم تجاوبيني

بس نفسي أسألك

من زمان.. هذا السؤال

اللي حبك.. قبل أحبك

هو صحيح..

إنه بعد فرقاك حي

ولايزال ؟!!!!!!!


...
..
.

للمـبـدع //
مسفر الدوسري


**********

المصدر: الملتقى الجماهيري للشاعر محمد بن فطيس المري

تسلم يمينك يا رشيد قصيده رائعه

وتسلم على ذوقك الراقي وشكرا لك .

اقتباس المشاركة الأصلية كتبت بواسطة مخاوي الدروووب تسلم يمينك يا رشيد قصيده رائعه وتسلم على ذوقك الراقي وشكرا لك .