سجود السهو

سجود السهو

السلام عليكم ورحمة الله وبركاته

هاذي مشاركه متواضعه وحاولة ابدع قافيه غير مستهلكه
واتمنى ان تحوز على رضاكم و تعلوا لذائقتكم :-

اليا فعلت الطيب فيهم ما يبين
ينسون ماقدمت في حجة لهو

واليا هديت الكنز والمعدن ثمين
في اي زله صادره منها اشرهو

ماهم بكفو العود والكبش السمين
واخذو كلامن صامل(ن) منه انتهو

اليا عطينا مانمد الا الثمين
يوم الردايا فالرجوله ما شتهو*

والقرم لو غربله ماله من سنين
ايطيب والطيبين فالطيب ادلهو*

انسج فالطوالات غير الله يعين
الناس مثل الليل فالوجه اشبهو*

لله دره راعي الدنيا ودين
اليا خطـا ما سج من سجدة سهو *

ســــــــــــلامــــــــتــــــــــــكــــــــم ...

المصدر: الملتقى الجماهيري للشاعر محمد بن فطيس المري

صح الله لسانك
دمت ودام مداد قلمك

صـح ابدنك ويدوم راسك

بين الرجا والياس خفاقي يلين
ما همني من تممو والا نهو

تقول يا ابن فطيس ذا علم يقين
والناس للقبله عموم اتوجهو

حد مال لليسرا وحد يبغى اليمين
وانا على الحبلين قومي درهو

ان كان تبغى الصوت بالحرف السمين
لا مر بك راعي النقى قل ذاك هو

هذه مجاراه بسيطه لجمال القاف اللي شدني

صح لسانك يالمري تقبل خالص ودي لفكرك الراقي

الله صح الله السانك يابو محمد وانا من تابعينك
لو ماقلت الا هذا البيت والله انه عن قصيده كامله بيض الله وجهك
لله دره راعي الدنيا ودين
اليا خطـا ما سج من سجدة سهو *

صحن ابدانكم ويشرفني مروركم وصح السانك ي ( راعي النقا ) على المجاراه الجزله وتسلم على الثنااء وتسلم ي ( سنجار ) وهاذا من تواضعك ويزيدني شرف متابعتك لـ جديدي ويعلم الله اني متابع لجديدك في المحاورات لانك شاعر تلعب على معنى وابياتك تذكرني بالثبيتي الله يرحمه ويرحم جميع المسلمين