عـرائـس الـطـــيـف

عـرائـس الـطـــيـف

- - - - - - - - - - - - -
سالم بن حمدان المحيريق

...
..
.

يا ساري الليل لا تسري على شاني

ريح ضميرك ورجلك لا تعنيها

انا ادري انك بكل احساس ترعاني

لكن أمورٍ بنفسي ماقدر ابديها

لاصار غدر السنين اشكال والواني

غصباً تموت القلوب ودمها فيها

وانا زماني سرى والنوم ماجاني

والنفس دايم تحن لذكر ماضيها

ماضٍ ذكرته وعنه الوقت نحاني

لكن وش أقول والحكمة لواليها

مادام ذاك الزمان أقفا وخلاني

صبرت والنفس ماضيها يكفيها

أسوق قلبٍ صوابه هز وجداني

عرايس الطيف ما يرتاح راعيها

خايف يجدد عناي الموقف الثاني

والصبح أبي ليلتي ماعاد الاقيها

ترجع كما ليلةٍ في ذيك الأزماني

اصبح عليها الصباح وغاب طاريها

ياساري الليل ليلك حرك أشجاني

ذكرتني حاجةٍ ما ني بناسيها

لا قلت باصد وأدله بعض الأحياني

راحت وعادت بها الذكرى تمشيها

خوافي الروح تامرني وتنهاني

أيام تقوى علي وأيام أقاويها

يثيرها الهاجس الي جدد أحزاني

مشاعرٍ تستجيب لمن يناديها

ريح الندى من لذيذ النوم صحاني

يعانق النفس ويرد الأمل فيها


.

المصدر: الملتقى الجماهيري للشاعر محمد بن فطيس المري

وانا اشهد سلمت وصح لسان الساعر

صح لسان شاعرها ولا هنت رشيد

تحيتي وتقديري

صح لسان شاعرها
ولاهنت اخوي رشيد على الطرح
ودي