ذبحني غلا غرو(ن) تساحب جدايله ،قصيده روعه.

ذبحني غلا غرو(ن) تساحب جدايله ،قصيده روعه.

بسم الله الرحمن الرحيم،،،،،،،،،

قصيده غايه في الجمال للشاعر:/// معتز بن شليويح المغيري العتيبي.

نرجوا ان تليق بذائقتكم واستحسانكم،،،،،،

إليكم القصيده،،،،


ذبحني غلا غرون تساحب جدايله
فيه الحلا والزين موفن خصايله
ظبين عفر ماشفت مثله وشلكه
لاقام فالجيلان كلن يخايله
عزي لمن شافه على انباحة الشوف
لاجات مع ناب الجذيب متمايله
كل العذاراء من حلاها تغبنن
لاحولت ماحسبت كل عايله
طويل المعنق يذهلك لانظرتبه
يلحق على قلب المعنى غلايله
من بسمته فيها ثمانن تبلجن
مثل البرد لاحولن من مخايله
من مزنتن غرن تكاشف ابروقها
منها اصبحت كل الفيافي سايله
واللبه الي كنها الشمس نورها
يدل فيها الي يضيع دلايله
شقراً بها التوصيف يحتار ويتوه
منها اصعب التوصيف محد بقايله
لاسلهمة باهدابها كنها الليل
تضفي على حمر الوجاني ضلايله
عليه عينن كنها عين قرناس
عين اشقرن وايق بعالي مقايله
حرن ليا شاف الحباري مخامير
يكسر على ربدن مع القاع ضايله
غرون لو الدنيا تمد ابمهلها
صعبن على حظي يحصل بدايله
الكامل الله رب كل الخلايق
ربن صعيب انا نعدد فضايله
يالله يامن كل حين يلوذبك
سلط على جمعً كثير ضلايله
الي خذومضنون عيني وان اشوف
من عقبها قلبي تزايد غلايله
عفت البني من عقب مريوشة العين
كني على راسي صفاتن مهايله
أون كن النار تصلى طوارفي
واكمد لواهبها بدمعً هماليه
كني كما الي راح تالي حلاله
ولا عزيزً في زماني غداليه
قرمن مقادير الليالي خذنه
دايم على الزلات يرفا الخماليه
عز الله أني ضعت تالي حياتي
والي حصلي ثابتاتن دلايله
الوضع مزري والليالي تحدرن
محدار سيلن لاحدر مع مسايله
وقت تبلاني وانا فيه مبتلي
حسبي على هذا الزمان وعمايله
خلاني اكرع في غدير المذله
يومن محدن في وليفي سعاليه
يومن غيري ذاق در الاباكير
ماذقت در المصغر الي هجاليه
اشكي على الي كون الكون كله
الي على المخلوق حكمه عداليه
الي عيون الناس لا خمها النوم
تشكي عيون الي من النوم خاليه
ترجي من الله ما يضيع ادعاها
من واحد مالت عليها هزايله
ربي يعز الي من الوقت عاني
يمهل ولا يهمل عليه اتكاليه
وختامها يالله يارب الارباب
تجعل حياتي كلبوها سهاليه

الشاعر //معتز بن شليويح العتيبي.

تحياتي لكم...........،،،.،،،،

المصدر: الملتقى الجماهيري للشاعر محمد بن فطيس المري

صح لسان قايلها ولا هنت اخوي سفير نهد على هالنقل العذب والمميز
قصيده هلاليه جزله
تحياتي

صح لسان شاعرها
ولاهنتم
قصيده جزله

صحت ابدانكم جميع وشكراً علئ التعليق المهذب يعطيكم العافيه.

صح لسان شاعرها ولا هنت

قصيده جزله

تحيتي وتقديري