الذكريات القديمة..

الذكريات القديمة..

.


خل الغلا يذهب وتذهب بقاياه

على حطام الذكريات القديمه

ماعاد يعنيني ولا نيب وياه

عفيّت عنه وعفّة النفس شيمه

عشق الترف مهما تعدد مزاياه

في قائمة بعض الروابع عقيمه

مثل السراب أدناه يطرد ورى اقصاه

ونهايته كله يذب الخريمه

لايسقي الضامي ولا يختفي ماه

الا ليا مرّه من الغيم غيمه

يا قلب لا تندم على ما تمناه

بعض الندم على حسابك جريمه

كم مرّ من همٍ على الله مشكاه

لكن ما يبني على الصبر خيمه

يا قلب من دوّر على شي يلقاه

واللي بلا قيمه .. لا تعطيه قيمه

ليا متى المخطي تحمّل خطاياه

و ليا متى وأنته عذابك ظليمه

كان الغلا يقتل وينعى ضحاياه

أكيد ما ينعى ضحايا النميمه

والحب يلقى له محبين ترثاه

وأنا رثيتك يالدموع اليتيمه

ونهاية الغدار تكشف نواياه

ولا تجيب له العواقب سليمه

-

حبيب العازمي

.

المصدر: الملتقى الجماهيري للشاعر محمد بن فطيس المري

رشيد "
صح السان شاعرها ودام عزك ي الغالي
كلمات رائعه وانتقاء مميز
سلمت وسلم منقولك اراقي
دمت بخير وسعادهـ
مودتي واحترامي ~

صح لسان قايلها
ولا هنت اخوي رشيد على هالطرح
ودي

صح لسان شاعرها ولا هنت رشيد



شكرا لك

انتقاء رائع

تحيتي وتقديري

سلمكم الله جميع