جآفي / وقآسي .. مبتعد ! وأستلذك !

جآفي / وقآسي .. مبتعد ! وأستلذك !

وحيِن لايكونْ للحنينْ وطنٌ سوى صدري .!
تتساقط الحروف كـ المطر - وألملم حبات شعوري بلذة
قصيدة كتبتها فـ الصباح البَاكر - فغنتها لي فيروز .!
أشعلوا شموعكم وشَاركوني شُعوري :

النص :

جآفي / وقآسي .. مبتعد ! وأستلذك
نآسي ! وعآدي / مايهمك ولاشي

طيب أحبك / عآدي .. قلي : أحبك
حسسني أنك تشبه الغيم والفي

ربك تعيش الحب مثلي .. وربك
تشيل قلبٍ شآلته رآحـة يدي

ليتك حطب لاونست بردي أشبك
لكن حسآفة ! أمنية ميتٍ حي

تعال بعضك ! لأ .. أنآ ابيييك كلك
أبيك وآجد ./ مدري ودي بك شوي

أبي اشوفك .. يوووه نفسي أضمك
أنا اشهد أن الجرح توّه بعد ني

أنا ملكتك ..! وأعترف صرت ملكك
وأنته بيديني / بس ماحس بك لي

ربكة شعور القلب ! لاتستفزك
هذا أنا : لاضعت أهوجس وأهذري

تعال جنبي // وأسترح . قول ودك ؟
ودي أجمّع حكينا عقد / وحلي

غمض عيونك ! وأنتبه لي بقلبك
شغل موسيقآ .. خفف الصوت والضي

خذ لك نفس .، وتذكر أني بجنبك
يعني تشجع ! لو زعل خآطرك عيْ

مال الزعل دآعي بدربي ودربك
لاصرت ظميانك / وفي راحتك مي

قررت أحبك ! غصب ! كيفي بحبك
وأدري بسيطة تعتبرها ولاشي

يعني حبيبك / شمس عمرك وظلك
ياللي بعآدك موت ومصافحك كي

دلة غلا / في وسط قلبي وأصبك
الصدر بيتك .. وأسترح / لاتوصي

ولع لنا [ فيرووز ] والصبح صبحك
فيروز وقت الصبح ياسيدي شي

نامت عيونك / وآبتدا حس بردك
ابي الدفآ .. مادام برد الجفــآ فيّ

عزمت أعيشك ! لا بعد وأستحلك
مدري علامي كاتبك بالغصب لي

مو بس أحبك / ألا من زود حبك
اشوف كل الكون من دونك خليْ

م ح م د

المصدر: الملتقى الجماهيري للشاعر محمد بن فطيس المري