بشت اميرٍ تو امير الرياض مومّره .!

بشت اميرٍ تو امير الرياض مومّره .!

جديد الشاعر الكبير والقدير / عبدالله بن زويبن الحربي ..


ياحبيبي من عيونك ضرب قلبي عيـار
ضربـةٍ مسمومـةٍ قاضيـه ومدمّـره

والسبايب منك قررت واصدرت القرار
قدم المعـذار واللـي دمرتـه عمّـره

ياعيون اللي اليا ضف جنحانه وطـار
الدرابيـل الجديـده تعجـز تـذمّـره

ولايطير الا ليا شافلـه شـوفٍ قـرار
ومخلبه في صدر برقا الجناح يسمّـره

والشفايا جمرتينٍ تواشـا وسـط نـار
توّها من قوّ صلـوّ اللهيـب مجمّـره

أنت كلّك نار تجمع بياضٍ مـع حمـار
تقل شمسٍ دوبهـا للغـروب محمّـره

والنهود صغار والبطن ظامر تقل غار
والردايف بالقمـاش الجديـد مشمّـره

والشعر يلمع على الضي من قوّ الشقار
بشت أميرٍ توّ أمير الريـاض مومّـره

لانسفته ذيل صفراً تحت طـلاب ثـار
توّ جت من فوق جرف المسيل مطمّره

كل يومٍ تقوبعه سطل من وزر البكـار
وبالشمطري كل ليلة خميـس تخمّـره

المصدر: الملتقى الجماهيري للشاعر محمد بن فطيس المري

خوي الذيب

صح ذوقك ولسان الشاعر

اهنيك على الاقتناء المميز والراقي

تحياااااااااااااااتي

اقتباس المشاركة الأصلية كتبت بواسطة البرنس السعودي خوي الذيب صح ذوقك ولسان الشاعر اهنيك على الاقتناء المميز والراقي تحياااااااااااااااتي

صح بدنك
.البرنس السعودي.
وهذا من طيب ذوقك
تحياتي

صح لسآن الشآعر وتسلم يمينك ع نقل القصيدة

اقتباس المشاركة الأصلية كتبت بواسطة الذهبة صح لسآن الشآعر وتسلم يمينك ع نقل القصيدة

صح بدنك
.الذهبة.
وشاكر لك مرورك
الكريم
تحياتي

الله يعطيك العافيه الذيب
شااااعرنا دايم مبدع
تقبلو مروري

خوي الذيب
لاهنت
صح لسااان الشاااعر
تحياااااتي