يا ساري الّليل تَبغي دار ابن ثاني

يا ساري الّليل تَبغي دار ابن ثاني

السلام عليكم
يمسّيكم بالخير يا الرّبع
اليوم بشارككم بقصيدة عدّيتها يوم العيد الوطني لدولة قطرعسى الله يديم افراحها
و أهديتها لواحد من الربع كان ساير يشارك فمسيرة الفرح و احتفالات العيد الوطني القطري و معدّل موتره و صابغه بالوان العلم القطري الغالي و مرتب و مزخرف
و كنت ناوي اروح معاه للدوحة - بس انشغلت و ماقدرت أسير وياه
المهم : ودّعته و ارسلتله هالقصيدة و اتمنى تعجبكم

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يقول : -

يا سَاري الّليل تَبغي دَار بن ثاني
ناوي تحلّق وتفرَح في سمَا الدّوحة

طَبلون موتَرك عنّابي ومزدَاني
باَلوان دولة قطَر متباين وضوحَه

دَار البيَارق غدَت للفَخر نيشاني
فربُوعها يَهتني ويشيّد صروحَه

للمَجد فيها و للتّاريخ عنواني
وفيهَا مَعاني الوفَا والخير مَشروحَة

يطيب فيها مقام الّلي يجي عاني
ترتاح في وَسطها أَنفاسَه وروحَه

ما تسمَع ابهَا سوَى يَا حيّ من جاني
ولّا فنَاجيل وَسط ديَار مَفتوحَه

ولّا قصيدَة شعر تَطربك باَوزاني
يَعجبك منها الغزَل في بنت مَمْلوحَة

أَرضٍ بها الشّعر مترَسّخ من اَزمَاني
وبيرَق بِن فطيس مَازال الهوَى يلوحَه

دار بحَلاها سمَت عَـ كل الاَوطاني
صارَت بكِثر الحَلا والزّين بَحبوحَة

مادام فيها حَـمَـدَ متعَالي الشّاني
الّلي بنَا المَجد والتّاريخ وصروحَه

بومشعل اللي غدَا للمَجد عنواني
قايد مسيرَة قطَر ومنوّر الدوحة

الّلي سمَا بدولتَه في كلّ مَيدَاني
لين اَصبحَت وجهةٍ للنّاس مَمدوحَة

مَدهل لكلّ العَرَب من قاصي وداني
الخير فيهَا يسوُد ويسطَع وضوحَه

والفين واثنين وعشرين انْ الله اَحياني
بَقول يا بَخته الّلي رايح الدّوحَة

الله يعِيد الفَرَح فديار بن ثاني
ويعِيد يوم الوطَن و يعلّي صروحَه

و سواااااااااااااالم
و العذور والسموحة منكم عالقصور و أتمنى تروق لكم القصيدة

by: unique brilliant

المصدر: الملتقى الجماهيري للشاعر محمد بن فطيس المري

صح لسانك أخوي...... unique brilliant ......

ويستاهلون هل قطر هالنص الجميل .....لاهنت .


بانتظار المزيــــــــــــد.



تحياتي .

اقتباس المشاركة الأصلية كتبت بواسطة الهــــــــوى صح لسانك أخوي...... Unique brilliant ...... ويستاهلون هل قطر هالنص الجميل .....لاهنت . بانتظار المزيــــــــــــد. تحياتي .

تسلمييين اختي : الهوى
صح بدنج و مشكورة على المرور الطيب و المتابعة اللي أقدّرها و أعتزّ بها

أبـدآع كلمـآات في قمـة الروعـة
ومشكـور عـآ هيك خاطرهـ
ولآ تحرمنـآ من أبـداعاتك ربي يسعدك
وسأكون هنا بين طيات ما تنثرة دوماً بإذن الله
دمتِ بهذا التميز~

اقتباس المشاركة الأصلية كتبت بواسطة غروب الخجل أبـدآع كلمـآات في قمـة الروعـة ومشكـور عـآ هيك خاطرهـ ولآ تحرمنـآ من أبـداعاتك ربي يسعدك وسأكون هنا بين طيات ما تنثرة دوماً بإذن الله دمتِ بهذا التميز~

تسلميييين يا اختي على المرور و الرد الجميل والطيّب
أسعدني إعجابكم بالقصيدة

صح لسااانك

نص راقي من كلمات وجرس موسيقي

اهنيك عليه وننتظر جديدك

رائد

اقتباس المشاركة الأصلية كتبت بواسطة رائد العصيمي صح لسااانك نص راقي من كلمات وجرس موسيقي اهنيك عليه وننتظر جديدك رائد

صحّ بدَنك اخويه رائد
الرّاقي مرورك و مشاركتك و تشجيعك الطيب

صح السانك اخوي وتستاهل ديرتي والله لايحرمنا من ردودك

فـــــديت قـــــــطر