مآبقى فيني الا حـزنـي

مآبقى فيني الا حـزنـي

لا تغيب لا تغيبُ . . . لا تغيبُ . . . ما بقت فيني < سنابل > تنحني عند المغيب .. مزقتني هالمناجل وصوت زاجل والسواقي .. وحزن طفلٍ فيني باقي .. من تنفسها هالصباح إلين طاح ..؟! في حضن عمره ونام 20 عام مو حرام .!!! تطعن الصبح / وتلوح للحمام مو حرام ..!! كل ليلة بي تغيب ]] لا تغيب ] ] ما بقت فيني سنابل تنحني عند المغيب لا تغيب .. البحر ما عاد يقوى ( إختلاجي ) و إحتجاجي وضيق صدري لنه يدري .. من هو فينا كان يغرق .!! يا حزنهم وين ابغرق ؟ من هو فينا كان يغرق وكل ما أغرق أغرق .. , , .. أغرق يخفت الفانوس نوره في فتيل وكنت أميل كل ما مال الفتيل .. كنت أركز به حضوره .. والمشاهد ذايبه من أمامه وخلف " بلورة " تسيل تمتزج ألوانها وما أشوف إلا فتيل حسبي الله الوكيل وينبثق بي هالبكاء كانوا هنا كانوا أنا .!!! كانوا يغنون العنا ثم غادروا يا موطني !! محدن بكاهم كثرهم الا أنا محدن بكاهم كثرهم الا أنا يا حزن والغربة تربة تهدي ضلوعي شتاء وتختزل بي ( لي متى .؟! ) وتنبت عيوني نوارس .. يا حزن /هالبرد قارص يحتسي بي وحدتي.. يرتشفها يلتحفها ورغم ذلك ما يعرفها ..!! يا لحزني البحر / ما عاد يقوى إختلاجي وإحتجاجي وضيق صدري لنه يدري من هو فينا كان يغرق يا حزنهم وين ابغرق ؟ أنت ماكنك حزن او مجرد تسمية الحزن ماهو حزن أو مجرد تسمية الحزن لما تشوف دمعتينك داخل عيونك تطوف وما تبلل وجنيتك الحزن ماهو بإيدي يا قصيدي أو بيديك الحزن آلة وتعزف داخل ضلوعك شتاء وتحطب عيونك ( متى ) ؟ وينتشر بك شي قارص يشبه الهجرة من الشاطئ لمجموعة نوارس الحزن ماهو حزن أو مجرد تسمية الحزن لما تكون تقرأ بعيون أصدقائك .. وتدري باللي يكتمون ..! وقبل لا هم ينطقون تنطقه لو بإحتضارك .. ولما ترمي حزنك ابمرأة دارك و أنت ما تدري وش تبي ؟ الحزن ما هو حزن الحزن ذا لولبي لعنبوه ليا ألتوى .. الحزن ماهو حزن الحزن سجّان يشهق ألوان الصباح ,, وكل نور لك مباح ويزفر العتمة بعيونك ولما تشكي ,, أو تحاول مرة تبكي .. الحزن ذا يخذلك وربي إنه يخذلك جوى صوتك جوى نظرات يبعثرها ((( سكوت ))) مثل موتك .. لما تسمع هالسؤال ليه حزنك دايم مستمكنك ؟؟ ليه حزنك دايم مستمكنك ؟؟ حينها ودك تسولف وتصرخ في كل إتجاهات المكان وتنبت لسانك [ مأآآذن ] وترفع أحزانك [ أذان ] وما تسولف له عشان : داخلك من يمنعك .. يمسك لسانك عليك .. وكل إيحاء بإيديك ما ترك لحظتها فيك إلا : [ رعشة ] و [ دمعتين ] تعكس ابداخل عيونك كل مصابيح المكان .. أي وربي هالحزن هذا جبان يملئ شباكك غرق ولما ترخي جفن شباكك عليك سيّلك ها.... منّه لا تكنّه .. أسحب أهدابك عليك من ذبح لك هالسؤال وينتظر هذي الإجابة .!! تكفى يا جفني دخيلك لا يطق الدمع بابه أرمني في كل الزوايا أرمني في اللامكان بس في هذا المكان تكفى دمعي ما هو جاري ::

المصدر: الملتقى الجماهيري للشاعر محمد بن فطيس المري

طرح راقــي اسعدني ان اكون اول مايرد

سمو المراجل
الأروع ذوقك الراقي
ومرورك العذب
لاعدمت اطلالتك يالغلاااااا