مرثية عبدالله بن محمد الجبر المري (ذيب آل مره)

مرثية عبدالله بن محمد الجبر المري (ذيب آل مره)

جرح الفراق

السلام عليكم ورحمة الله وبركاته

مرثية عبدالله بن محمد الجبر المري (ذيب آل مره)

على لسان والده محمد بن عبدالله الجبر المري

للشاعر الكبير محمد القثامي حفظه الله

.
.
.

|| .. جرح الفرآقّ .. ||

على ذِكْر الفقيد اللي ذَخَرْته للسنيـن سـلاح
نِزَف حبر القلم يكتب غلاه وذبلـت أوراقـي

تَرَجّل فارس الطيبه عنِ حْصان الحياه وراح
وتَرَك جَرْح الفراق اللي يعيش بداخل أعماقي

بداية مولده كانـت بدايـة مولـد الأفـراح
على بيتٍ ترعرع فيه بين النَّخْـل والسّاقـي

ونما عوده على يديني وشعشع نوره الوَضّاح
ونَسّاني الشقا وَابْعَد سَهَر عيني عَنَ احْداقي

صغير السن لكنّـه كبيـر وفالبحـر سبـاح
يجيبَ اغْلى الجواهر مايِخَيّب هقوة الهاقـي

وِاذا مِنّه عطا يعطي بكفين ٍ مَهِـنْ بِشْحَـاح
وِاذا مِنّه نِزَل مايَنْـزل الاّ المَنْـزل الراقـي

يِحِبّ الخير واهْل الخير واهْل الدّين والإصلاح
وحياوي طَبْع وِبْطَبْعه لِفِعْل الطّيـب سبّاقـي

ومَعََ اقْرانه تَرَك بَصْمَه اثَرْها فالمشاعـر لاح
وعلى كَسْبِ احْترام النّاس راع الطيب توّاقي

وتعامُلْه المِثَالي كان لِقْلوب العـرب مفتـاح
مَلَكْ به وِدّ مِنْ عاشوا معه في كـل الافاقـي

رَضِيَّ الوالدين ومع خَواته يِكْتِسي بُوْشـاح
مَحبّتْهـن وِلِرضاهِـنْ نَهَـر يمنـاه دفّاقـي

خلوق وكل ماشفته بعيني خاطـري يرتـاح
وسرى حبه بدمي وِانْشَغل به نبض خفاقـي

وِالا ناديت ما يطربني الاّ صوتـه الصـدّاح
وِالا من غاب عن عيني تَعَاظَمْ لَهْفة أشواقي

وبعد ماقْفَتْ به ركابه واخذها نـازع الأرواح
تِمَلّكْني الحزن حتـى بِحَبْلـه جَـوّدُ وْثَاقـي

وقريت آخر كتاباته ودمعي فوق خدي طـاح
لَوِانّ آخر سطر مكتوب : لاتبكي على فراقي

ورحمك الله ياعبدالله ضنايه كاسب الأمـداح
وأنا اللي من بعد غيبتك عيّا ينجبـر ساقـي

لَكِنِّ ايماني بربي عزا قلب ٍ كسيـر جنـاح
يسليني ويبقا في حياتـي درعـي الواقـي

وعزايه سيرتك بين الخلايق عطرهـا فـوّاح
وعزايه حب غيري لك وحبي لك هو الباقـي

والا يالله يـارب العبـاد وفالـق الإصبـاح
دعيتك ياعظيـم الشـان ياربّـي وخلاّقـي

تصبرني على الفرقا وترحم كاسب الأمـداح
وتجمعني معه بجنان عدن ٍ خضر الأوراقـي

==

دعوآتكم للغـآلي المرحوم ( ذيب آل مره )
~

</b></i>

المصدر: الملتقى الجماهيري للشاعر محمد بن فطيس المري

الله يرحمه ويغفر له ويجعل مثواه الجنه

وصح الله لساانه


ولاهنت ع النقله يا الن

الله يرحمه وويسكنه فسيح جناته
ويرحم اموات المسلمين ويغفرلهم لاحول ولاقوة الابالله تسلمين ياااخيه
ع انج هيضتيني وانا ع طريف الله يرحم جميع اموات المسلمين

الله يرحمه ويغفر له وينقيه من الذنوب والخطايا كما ينقى الثوب الابيض من الدنس
والله يصبر شيبانه واهله ويلهمهم الصبر والسلوان .

وصح لسآن الشاعر القثامي ..

اقتباس المشاركة الأصلية كتبت بواسطة سمـ المراجل ـو الله يرحمه ويغفر له ويجعل مثواه الجنه وصح الله لساانه ولاهنت ع النقله يا الن

اللهم امين ولك بالمثل وصح لسان قايلهاااا

وشكرااا على دعائك ومرورك الراقي

رحمة الله على اموات المسلمين الله يرحمه ويغفر له

وصح لسان الشاعر على هذه القصيدة المعبره

والشكر لك على جميل ماتطلعنا عليه وننتظر المزيد

,,رحم الله اموات المسلمين جميعا

قصيده جدا قووويه صح لسان الشاعر مرثيه بجد معبره

صح ذوووقك واختيارك الن

تقبل مروري تحيه لك

لِـ حرفكِ ولـِ نَبضِكِ إنحنى القلب تقديراً لكِ
متميز بِهذا الهطول المختلف يامتألقـ
سلم نبض احساسكِ ودآم بريق قلمكِ
لروحكِ الورد وعبيره ..!