مدري !!! ولكنّي أحس بإثـــارهـ . .

مدري !!! ولكنّي أحس بإثـــارهـ . .

قالت وهي تجلس بجنبي على السيت :
ريح العطر روعة . . وريـح الزقارهـ . .

قلت : اشرحي؟ قالت وهي تطفي آلليت :
مدري !!! ولكنّي أحس بإثـــارهـ . .

بعض التناقض فيه لذة !! و تشتيت
في كل جزء من التباين إشارهـ . .

مثال : شوف الثلج .. بيغطي البيت
وشلون في جنبك أحس بحرارهـ . .

قلت : اشتعال النار ،، هو غلطة الزيت ؟
قالت : أبد .. بس انسكابه شرارهـ . .

قلت : ونمو الورد فوق التوابيت ؟
قالت : صراع الربح ضد الخسارهـ . .

قلت:ورجوعي بعد ما صدق قفيت ؟!
قالت : قرار، وكل شخص وقرارهـ . .

قلت:ودموعي ؟! قالت:ان كان حنيت
نزف الدموع أرقى رموز الحضارهـ . .

قلت : وتلاقينا ؟! وصدت .. وصديت
وأكمل حديث الصمت باقي العبارهـ . .

وماعاد باقي من لقانا .. سوى بيت
تحت الجليد ،، وريح عطر ، وزقارهـ

المصدر: الملتقى الجماهيري للشاعر محمد بن فطيس المري

طرح رائع اخوي كـ روعه حضورك النقي
ابدعت بطرحك
دمت بكل خير

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
شكرا لك