زلّة رفيقي

زلّة رفيقي

زلّة رفيقي

****************
الشاعر/ صالح محمد العنزي

.

يا صاحبي مسموح لاخانك الشوف

لو كان ضلع طويق ماهوب خافي
.
ماني ضعيف ولا تحيزمت بضعوف
والحمد لله مشلح العز ضافي
.
كم لاح قدّامي عراقيل وصدوف
ورميتها من فضل ربي خلافي
.
وزلة رفيقي دايم تمر واتطوف
ما حاسبه عن زلته يالسنافي
.
أقول يمكن وقتها مر بظروف
وهذا الزمن طبعه يجيه اختلافي
.
رأيي ولاني في رضا الناس مكلوف
لاصار عقله مقتنع فيه كافي
.
مار العتب في سلم الاخوان مألوف
ولا يوصل الموضوع حد التجافي
.
أرض المعزّه ما على زرعها خوف
ما زارها ركب السنين العجافي
.
ويا صانع المعروف تجزى بمعروف
ما يجحد المعروف يا كود هافي
.
اسمك من القاموس ما هو بمحذوف
ومراكبك ما غادرت عن ضفافي
.
لكن أبرسم لك على أوراقي حروف
مشاعرٍ رتّبتها بالقوافي
.
والسمع ما يطرب على كل معزوف
ولا يعجب العينين كل ما يشافي
.
وصدري كتابٍ للقريبين مكشوف
والقلب مع كل المحبين صافي
.
أفرح بجيتهم ليا حلّوا ضيوف
وأنا لهم مخلص وصادق ووافي
.
هذا حسب وصفي وكلٍ له وصوف
والله هو اللي مطّلع بالخوافي

.

المصدر: الملتقى الجماهيري للشاعر محمد بن فطيس المري

ماني ضعيف ولا تحيزمت بضعوف
والحمد لله مشلح العز ضافي
.
كم لاح قدّامي عراقيل وصدوف
ورميتها من فضل ربي خلافي

الله الله
صح لسسان شششاعرها ولا هاااان ناقلهاااا
تسسلم اناملك ع هييك نقل اخوووي رشيد
تقبل مروري

وزلة رفيقي دايم تمر واتطوف
ما حاسبه عن زلته يالسنافي
.
أقول يمكن وقتها مر بظروف
وهذا الزمن طبعه يجيه اختلافي
.
رأيي ولاني في رضا الناس مكلوف
لاصار عقله مقتنع فيه كافي



لاهنت أخوي رشيد

وصح الله لسان الشاعر

.



الله يحلي ايامكم ولياليكم



وشكرا على ردكم اللي اسعدني

ربي يسعدكم دنيا وآخرهـ


.

صح الله لسان شاعرها ولاهان من نقلها
احترررامي

صح لسآنه محمد
روووعه الابيآت
تسلم رشيد ذوقك غير
الله يحفظك يآرب

يسلم شاعرها وناقلها قصيده طيبه
مشكور على اختيارك وذوقك لاهنت

لاهنت ذوق راقي
اختيار موفق

صح لساان شااعرها ولاهنت ع الطرح الراائع .. لك ودي ..