البور مني والسبايب ضروفي

البور مني والسبايب ضروفي

بسم الله الرحمن الرحيم
أعزائي الكرام السلام عليكم
اسعد الله جميع اوقاتكم بالمسرات
ابيات قليله وامتواضعه عساها
تنال إعجابكم

مدخل
يبنت جعل ايامك افراح واسرور
الله كريم يبدل الحال بأحوال


ينور عيني ما تحمل نقاشك
.................قدر ولا تيقض لواهيب جوفي

ماعاد لـــي يمك طريقٍ مواشك
............ماضاع من عمرك عساه مخلوفي

ماكان شفي لوعتك واندهاشك
..................والعفو منك سابقه وامعروفي

اودعك ماشفت ريبٍ ولاشك
.................البور مني والسبايب ضروفي

لو ان حضي طيبٍ كان حاشك
.................ولاهمشت سود اليالي حروفي

كان الشقاء اللي ناشني منك ناشك
...................عزي لحالك يازعيم الخشوفي

السعد لحفك والمسره فراشك
..................وانا من الزينات باعلن عزوفي



مخرج
اودعك وانا على البعد مجبور
جيتك وانا رحال واليوم وحال

المصدر: الملتقى الجماهيري للشاعر محمد بن فطيس المري

صح لسانك ي الغلاً الله يعطيك العااافيهٓ
ودي

مخرج
اودعك وانا على البعد مجبور
جيتك وانا رحال واليوم وحال

ررروعه قصيده جميله من شاعر مبدع
تقيمي

ياسلام عليك ياسعيد

صح لسآنك مره ومره ومرآآآت

الله يسلم راسك ياسعيد انت من اروع الشعار
وشهادتي فيك معروفه انت خابرهاا
صح لسانك وبيض الله وجهك جعلك للجنه
ويسسسسسسسسلمو

ارحب يابو محمد

وش النص الجميل ياولد جرس موسيقي رائع جدآ

اشكرك عليه

وصح لسانك مليون يالامير

ياليت بس تشوف الشطر ذا مدري احس فيه خلل في الكتابة

اقتباس ................فاعزي لحالك يازعيم الخشوفي

ابدااااااااااااااااااااااااااااااااااع .....

صح الله لسانكـ

أكيد يا رائد غلطه مطبعيه البيت أعتقد كذا

كان الشقاء اللي ناشني منك ناشك
,,,,,,,,,,,,,,,عزي لحالك يازعيم الخشوفي

القدير سعيد صح لسانك حتى ترضى وبعد الرضى
نص مدهش بقوه
رنه موسيقيه لا غبار عليها
أسعدتني قراءتها ولي رجعه لإرواء الذائقه
تحياتي

احاسيس شكراً على حضورك الجميل وصخ بدنك
تحياتي وصادق ودي ولاهنتي

عاليه شكرًا عـ مرورك واتقييمك
عاداتك الطيب تحياني وصادق ودي
لك ولاهنتي