غيروك ياقلبي ...!!

غيروك ياقلبي ...!!

السلام عليكم



اهل الشعر


/
مساء ممطر بطهر أرواحكم يعزف على نقاء قلوبكم ..
من العراق متواضعه تقبلوها كما هي ..

حسبي الله من تعمّد في جفاه=قلبي اللي من سبب هجرهْ ينوح
ودّي انسى.. مير قلبي مانساه=عارفٍ قلبي على الذكرى لحوح
ماتصدق! كلّ هذا ماكفاه=حتى وصلهْ بالحلم خلّي شحوح
ولوّ طيفهْ مرةٍ بيّن حلاه=ماهو شوقٍ..؟ جا يمـلّحْها الجروح
آه وا ويلاه خلّي يا قساه=مادرى وسط الحنايا لهْ صروح
غيّروه الناس وابعدْ في خطاه=مهرتي عن سكـّتي صارت جموح
بالمكان اللي يعانـقـنـي هواه=صرت انادي اسمهْ بصوتٍ بحوح
آتلـفـّت مامعي الاّ مناه=ارتجي علّ وعسى زوله يلوح
صرت اسولف للسحايب عن غلاه=يوم رجلي عانقتْ هام السفوح
قلبي بير وكاشفٍ عنّه غطاه=يوم فارقني وانا هجسي يبــوح
من ورا زحمتْ شقاوي محتواه=ماتت آمال الهواوي والطموح
ربي عين المبتلي عَمّا بلاه =كنت احسب السالفه كانت مزوح
في غيابهْ كل صباحاتي مساه= اسهرهْ ماشفت من شمسهْ وضوح
كلمةٍ مسجونةٍ خلف الشفاه=خبـّروه انّي على وصلهْ نصوح
يلعن الشيطان ويجدد ولاه=ويدمج الجثمان مثل اول بروح
وانْ تمادى في عناي وفي جفاه=والله انسى صاحب الوجه السموح
واقطعْ الشريان من قلبٍ طراه=واترك الدمـّان من صدري نضوح
حسبي الله من تـعـمــّد في شقاه=قلبي اللي كل مساحاتهْ جروح

الشاعر / مشاري بن فالح البدري العنزي _

( هاجس الحرمان )

:

المصدر: الملتقى الجماهيري للشاعر محمد بن فطيس المري

ودّي انسى.. مير قلبي مانساه..عارفٍ قلبي على الذكرى لحوح

صح لسآنك نص أكثر من راىع

بانتظار المزيد .لاهنت.

ارحب يبو فالح يالله انك تحيه وماجابه



ودّي*انـسـى..*مـيـر*قلـبـي*مانـسـاه /عـارفٍ*قلبـي*علـى*الـذكـرى*لـحـوح
مـاتــصــدق!*كـــــلّ*هــــــذا*مــاكــفــاه /حتى*وصلـهْ*بالحلـم*خلّـي*شحـوح
الله عليك يبو فالح شاعر جزل وحرفك جميل الله يوفقك تحيات اخوك سعيد القحطاني ولاهنت

ودّي انسى.. مير قلبي مانساه

عارفٍ قلبي على الذكرى لحوح


لله شاعرنا الجزل تسلم يمينك وصح لسانك بنتظارك

صح لسآنك ..

أتحفتنا والله بـهـ الدره

مذهل يامشاري .. مبطين عنك وعن جديدك

لا تحرمنا هذا الجمال يالقرم ..

شهادتي فيك مجروحه ودائما ما تذهل مشاعري بهذه الاحاسيس

لا خلا ولا عدم وصح لسانك ملايين

أخوك

أبومشاري

حياك الله يامشاري فالح ,,

صح الله لسانك وصح كلك ولاهنت على الابيات الجزله ,,

خالص تحياتي وكل تقديري لك .

اقتباس المشاركة الأصلية كتبت بواسطة الهــــــــوى ودّي انسى.. مير قلبي مانساه..عارفٍ قلبي على الذكرى لحوح صح لسآنك نص أكثر من راىع بانتظار المزيد .لاهنت.

الهوى


صح بدنك يالغلااا
الروعه في حضووووورك
يا ذوووق

شكرا لك

اقتباس المشاركة الأصلية كتبت بواسطة سعيد محمد القحطاني ارحب يبو فالح يالله انك تحيه وماجابه ودّي*انـسـى..*مـيـر*قلـبـي*مانـسـاه /عـارفٍ*قلبـي*علـى*الـذكـرى*لـحـوح مـاتــصــدق!*كـــــلّ*هــــــذا*مــاكــفــاه /حتى*وصلـهْ*بالحلـم*خلّـي*شحـوح الله عليك يبو فالح شاعر جزل وحرفك جميل الله يوفقك تحيات اخوك سعيد القحطاني ولاهنت

محييك ربي يالقرم

وماعليكزوووووود
صح بدنك

شهادتك وسام ونوماس يالذيب
اسعدني حضورك الجميل

شكرا لك ملايين

صح لساانك يا ابو فااالح

وبيض الله وجهك على هالنص الرائع

مميز دوم ومافيك حيله