همن وقف توي واهمن خلافي

همن وقف توي واهمن خلافي

بسم الله الرحمن الرحيم

أعزائي الكرام السلام عليكم ورحمة الله وابركاته
اسعدالله جميع اوقاتكم بالخير والمسرات أحيكم
واقدم لكم ابيات متواضعه امل ان تحوز على رضاكم

هذاه ألقصيده قلتها بعد ما
جاني اتصال ان رفيق لـــي بالمستشفى


البارحه يوم المخاليف غافين
...........بيني وبين النوم سوء اختلافي

لليلي طويل وتحت لحفي براكين
...........والعين جاها شرها من لحافي

يالله ياللي لك عبادك ملبين
.............ياعالمن غيب القدر والخوافي

يافارج الضيقات ياقاضي الدين
......بامرك يصير الضيق بردوعوافي

انت الرحيم وراحم المستغيثين
.............يامنزل الودان بعد الجفافي

انك تعافي راعي المجلس الزين
..............يارب تجعله من السو كافي

وش حيلتي لاحدني موقفٍ شين
........وخطيت فزعات الرفيق السنافي

وضاقت علي الآفاق من وين لأوين
............همن وقف توي وهمن خلافي

يرفع مقامي طيحةٍ بين الاقصين
........ولاعوج راسي لـــ الرفيق المجافي

ابوفهد طيبه على العسر ولين
.........اسمه واجسمه مثل قطبن يشافي

يعرف نباه اللي ورأ الهند والصين
..................والمدح ياتيله من البعد لافي

بعض العرب طيبه نهار ونهارين
..............برقة سرابٍ فوق جرد الفيافي

وحضرة جناب اللي على الطيب رأسين
.......تشهد لهم غبر السنين العجافي

المصدر: الملتقى الجماهيري للشاعر محمد بن فطيس المري

مسيك بالخير يابو محمد ..

عساك ما تشوفون مكروه لا انت ولا صاحبك ..

وبيض الله وجهك على موقفك مع الخوي سواً فزعه ولا شعور

كلها تحسب للي مثلك وشرواك وانت كفيت وفيت صح لسانك لا عدمناك

نص شامخ كشموخك ماهنا جديد دائما ما تثرينا بجزيل حرفك

أنا سعيد كوني اول من يرد على نص من نصوصك الفاخره

لاحرمنا هذا الجمال يابو محمد

ولا خلا ولا عدم

أخوك
ابو مشاري

صح لسانك وبيض الله وجهك على القصيده
والله يشافي خويك ومأجور بأذن الله

صح لسانك واعتلا شانك شاعر مميز

والله يشافي خويك

نص راقي

تسلم يمينك

عوافي

صح لسانك يا سعيد
نص رائع بروعة حرفك المبدع
أهنيك من قلبي على شعور الوافي لخويك الوافي
كنت هنا عامر الشنيف

ابو مشاري اهلا وسهلا فيك على هذا المتصفح
الذي يرحبك في اي وقت وصح الله بدنك والف شكر مني لك
كما عودتنا علئ التشجيع والحضور المستمر
وهذا ليس مستغرب منك ومن شرواك تقبل تحيات
واتقدير اخوك سعيد ولاهنت يالقرم

الاخت المطنوخه فعلا انك مطنوخه مرحبابك العزيزه
الف شكر لك شرفتي بحضورك الجميل جعلك
تسلمين تحيات واتقدير اخوك سعيد ولاهنتي

ضامي الشوق ياهلا وياغلا جعلك تسلم
مشكور على حضورك الموقر تقبل تحيات
واتقديراخوك سعيد ولاهنت

ضامي الشوق ياهلا وياغلا جعلك تسلم
مشكور على حضورك الموقر تقبل تحيات
واتقديراخوك سعيد ولاهنت

صح لسآاانك سعيد
وعادتك الطيب والله
الله يشآفي صآحبك ويخليكم لبعض