يا ما رسمت الفرح بعيون عصفوره

يا ما رسمت الفرح بعيون عصفوره

خياليه لاااااااا تمت للواقع بصله كيبورديه أتمنى ان تروق لكم

يا هاجس الشعر دن ارحالكم ودي = اخذ معك بالقصائد لفه ودوره
من هاجسن بالضماير مر متعدي = يلوف قلبي وانا ما نيب مسروره
ياما حسبت الفرح واحترت في عدي= وياما رسمت الفرح بعيون عصفوره
بنيت له بالمحاني قصر وانهدي = هده شوير العمي يوم انعمى شوره
مديت له داخلي وارهيت في مدي = واسرفت بالحب له واتابع احضوره
وفجاه طواه الزمن والوقت مشتدي =والرجل بالدرب منهيه وما موره
ماني بمن تتبع المقفين وتلدي = ارسم فرح مات من دمعات مقهوره
صحيح احبه ولكن ويش في يدي = وقف زماني وصرت اناضر الصوره
هنا رسمنا ملاحم نده وندي = وهناك فرحه تلاشت وسط ديجوره
وهنا كتبنا رساله عطرها ردي= ومنها روينا وفا لو جفت ابحوره
وياما نسينا العرب والشوق متردي = وياما كتبنا على البنيان منشوره
شديت حبل الفكر من شان ينشدي = وكل المعاني مع القيفان منثوره
هذي حدود الخيال وعارفه حدي = والوضع طايب مادام الحال مستوره

المصدر: الملتقى الجماهيري للشاعر محمد بن فطيس المري

والوضع طايب مادام الحال مستوره

صح لسسسانك قلبي
فديتك والله انك مبدعه

وهذي مو كيبورديه هذي اسطوريه

تشكراتي لك على هيك جمال

صح ذوووووقك روووووعه

اقتباس المشاركة الأصلية كتبت بواسطة عمهوجه والوضع طايب مادام الحال مستوره صح لسسسانك قلبي فديتك والله انك مبدعه وهذي مو كيبورديه هذي اسطوريه تشكراتي لك على هيك جمال

صح كلك لبى قلبك عمهوجه
فديتك انا ياقلبي
وه بس حضورك أنار المتصفح
الشكر الك حبيبتي تحيتي لقلبك
ترانيم

قسم بالله اني متهول من هالبنت

ياجماعه الخير

شوفو كيف تطرح القصيد

وفجاه طواه الزمن والوقت مشتدي

والرجل بالدرب منهيه ومـا مـوره

ماني بمن تتبـع المقفيـن وتلـدي

ارسم فرح مات من دمعات مقهوره

لله يصح اللسانك مدد بلا عدد

ورب البيت جزله ماعمرها مرت علي بنت في هالمستوى

اقتباس المشاركة الأصلية كتبت بواسطة لـجـل آلــوعــد صح ذوووووقك روووووعه

صح كلك والروعه هي تواجدك لا هنت
تقبل تحيتي وتقديري ودمت بود
ترانيم

ترانيم المطر صح الله لسانك مدى الحياه
يــ حبي للإنسان اللي على طبيعته لأصنع ولا تصنع هذا ماتوكده
القصائد


شديت*حبـل*الفكـر*مـن*شـان*ينشـدي وكــل*المعـانـي*مــع*القيـفـان*منـثـوره
هـذي*حــدود*الخـيـال*وعـارفـه*حــدي والوضع*طايب*مادام*الحال*مستوره

ايوالله ياترانيم الله يستر أحوالنا وياكم نعم هكذا تكون نهاية الامور
لما يندفع شخصما في اي مجال وكان يراوده حلم النجاح لكن
يتفاجا ان الحلم ذهب دراج الرياح فايقول الحمدالله على كل حال
طالما الحال مستوره على قولة البدوي كم قنينا من قعود وضاع
عموما اعذريني على الاطاله تقبلي تحيات واعجاب اخوك سعيد والاهنتي

والوضع طايب مدام الحال مستوره

صح السانك مدد بلاا عدد اختي ترانيم

بيض الله وجهك قصيده معبره وجميله ومحبوكه

دمتي بحفظ الرحمن

صح السانك مدد بلا عدد
ارتوينا من هذا النزف الرائع .. ويجعلنا ننتظر القادم بشوق


تقبلي خالص تقديري واحترامي ...

ترانيم المطر

صح السسانك

جزله كالعاده وابداع متواصل

ولاهو غريب على شاعرهـ مثلكـ

واصلي ابداعاتكـ