عيوني على سهر اخر الليل حدتني .... - الملتقى الجماهيري للشاعر محمد بن فطيس المري

#1 06-07-2012, 06:09 AM

عيوني على سهر اخر الليل حدتني ....

عيوني على سهر آخر الليل حدتنـي
تولع بها سهـر الليالـي وضريتبـه
همومي عن الرقده من النوم جزتنـي
وقلبي هواجيسه مـع الهـم لعبتبـه
وليّ حركت دقـات قلبـي تشاوتنـي
وغنى لها الشيطان صـوتٍ تلاحتبـه
على مركب الاوهام والهـم شالتنـي
وعلى سيف بحر الياس ركّت ورستبه
ولي صورت خلي على الطيف نبتني
ولي قمـت مغيـر الخيـال اتلفتبـه
الا يـا وليفـي سيطرتكـم تولتنـي
كتب حبكم في القلب وموضحٍ كتبـه
اشهّد على حبك ملوكٍ علـى متنـي
ويشهد ضميري من ونيـنٍ تنهتبـه
اراعيك بالذكـرى وذكـراك قوتنـي
ولي غاب ذكرك ويش عاد اتقوتبـه
ولامن بغيت اسج عن صورتك جتني
مع الطيف والا علمك الناس ما جبته
عليك الضمير مهايمٍ وانتهـا حتني
هبوب الشمال من المعاليـق هبتبـه
.
.
[youtube]

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 1 ( الأعضاء 0 والزوار 1)