حــاول تـــبيع الحــب

حــاول تـــبيع الحــب

السلام عليكم ورحمة الله وبركاتة

هاذي ابيات بسيطه
واتمنى ان تروق لذائقتكم

حاول تبيع الحب ولا تناساه
من بعد ماذقت العنا والهمومي

حظك ردي ياقلب وياكبر بلاواه
اتعبتني وياك وطاحت عزومي

ما لد يومك تتبعه واتحراه
وش عاد ترجي شين يومك ويومي

دامه جفا ... خله يواصل فممشاه
وخلك عزيز النفس وعنه تشومي

عاد رديت على نفسي واقول

في ذمتي ماجاني اليوم.. ماجاه
ومهما حصل مانيب ملحقه لومي

حميت حبه في عروقي وبحماه
حتى مماتي ولا وشهو لزومي

بسوق رجلي صوب دربه ومسعاه
وبمشي معه لين اتحقق حلومي

كتمت جرح القلب ... والحزن ملفاه
وطعم المفارق مثل طعن السهومي

وسلامتكم

المصدر: الملتقى الجماهيري للشاعر محمد بن فطيس المري

أبيات جميله ورد جميل صح لسانك
وسلمت بنانك وعساك ع القوة

آخيه بس
كلمآتهآ روعه و ربي ~
آهنيك ع هآلآختيآر يآ ‘ رآقي
و صح لسآن شآعرهآ
لآ خلآ و لآ عدم ‘‘
تحيتي

في ذمتي ماجاني اليوم.. ماجاه
ومهما حصل مانيب ملحقه لومي

ظافر جزل وصح لسانك نص في قمة الروعه والجمال

أخوك / مسامر

ظافر العرجاني:
بسوق رجلي صوب دربه ومسعاه
وبمشي معه لين اتحقق حلومي
ياسلام عليييييييك صحّ الله لسانك ملاييين يبن عمي رديّة ذاتيه جميلة ، عندما تكلّم الذات ذاتها فإنه لا يقدر على ترجمة مثل هذه المشاعر إلا شاعر مثل ظافر......طبعاً شهادتي مجروحة.......أمدّك الله بالعزم والتوفيق.....اجمل التحاااايااا

سحابة الطايف

صح الله بدنك وعسى الله يقويك
ولاهنتي على المرور

كلي امل

صح بدنك ولاهنتي على هالاطراء اللي اسعدني بصراحه
ومرورك شرفني واسعدني
عساك فالوجود

صح بدنك يامسامر
والله لايهينك ولايصغرك على هالمرور اللي شرفني

اررررحب يامسفر تراحيب المطر

صح الله بدنك والله لايهينك ويرفع مقدارك
وشهادتك اعتبرها وسام على صدري
وعساك فالوجود طال عمرك

صح لسانك من العارض الى الحره

ابدعت ابدعت ياولد عم وكيل الجزاله سالم بن جخير

تقبل تحيات اخوك فزاع العتيبي