يا بن علوش

يا بن علوش

السلام عليكم
مساكم الله بالخير
قصيدة بعنوان ((( يا بن علوش )))
لـ الشاعر العلم : حمد بن فطيس المري (( ابومحمد ))



انــــا مــانــي بــحــول للـحـمامة كون عـقب الـشين
الــــــــى مــنــي دريـــت ان هــاالخلاويّـة خـلاويّـة



انـــا مـانــي عـلــى البرقه زهـوف وكـلمة التلحين
إلــــى مـــــن شــفـــت من تـبـدي شـكاويّه شـكاويّه



انــــا اقــرنـــس بـفضل الله مـن الـذرعـان والـكفين
احـــــــوم بــجــو وانــظــر مـن عــــلاويّـه عـلاويّه



انـــا مـااهـتـم لا كـثــر المماسح من غراب الـبـين
انـــا ارقــا فــوق ولا هـــــــــــو حـراويّـه حراويّه



انـــا ادفـع كاش لهـل الـكــاش والبـعدين يابعـدين
ابـــــو بــــعـــــديـــن مـاتـلحـق مـناويّــه مـنـاويّه



يقولون الـفــقر بـيّـن مع مـن بـيــعــتــه بــالديـن
وانـا اعـــطـــي كــل مـن زادت هـقاويّه هــقاويّه



انـا ادري كـل سـرٍ ما يـذاع ان سار بـيـن اثنـيـن
واعـــرف ان الـطـريق اصعب ملاويّـه مـلاويّـه



إلـى شفـت العقـول الراجحه من بين حين وحين
عـــــرفـــــت اشقومها روس الـشقاويّه شقـاويّه



اسـل الـسـيـف فـــن وكــيـف واماري بابو حدين
واعــــــرف ان كــل الايمـان الـرهاويّه رهـاويّه



مــع اهــل الصـف الاول مـا تعـيّـني مع التـاليـن
نعـمت ابــدار .. والــدار الـسـنـاويّــــه ســنـاويّه



ويعجبـني فـقــط لـونين .. ماني بارغب التلويين
نهار ولـيـل .. والاريـا الـسحـاويّـه سـحـاويّــــه



اعـــــوّد لــلـقديم ولاجهلني عـيـشــتـــي بــالـفــين
ولا بــشـمـت واعـــــرف ان الجلاويّـه جـلاويّه



ولانـي بـالـتـفــت في راعي الـتهـويل والتخمين
ولــــو هـــي مـتقـنه تـبقى الـسـماويّــه سمـاويّه



ابــعـد خـطـوتـي والاّ قـصير الـشبح ابو مترين
يــروح .. يــرد .. ويــتـبّـع .. خطاويّـه خطاويّه



صـــدور الـناس ديــواني ولا يـحتـاج له تدوين
انــــــا وش جــبـت لاقـلـت الـنـداويّـه نـــداويّـه



الى شفت الردي يبغي يروح ايسار رحت ايمين
اخــلــيــهــا..تــجــاوبـهـا .. غطـاويّــه غــطاويّـه



انا مـاني وابــو وجهين يـامحمد بـخـشم وعــيــن
ابـو وجـهـيـن ما غـطّـت بــلاويّـه بــــــلاويّـــــه



انـا شبحـي يابـن علـوش مـع شـرواك عقـل وديـن
انـا ادري كـل مـطـلوب الـهـواويّـه هــــــــــواويّـــــه



انـا ادري بـندق الـفـتـنـه لها روح ولها روحـيـن
وعــــلــى الـدم الـشـيـاطين الــشـفـاويّـه شـفاويّـه



ابـعّــد خـطـوتـي عـن كـل دربٍ فــيه جـيم وسين
وخـــــــــــــرج المعرفـه تــربـط عـــراويّـه عـــراويّـه



انا اعرف وين اوجه كلمتـي لاسار زيـن وشين
لها باخـتار من تـطـلب عــــزاويّــــه عــزاويّــه



انـا ويّـــاه في حـلفٍ من الـسابـق ومن ذالحيـن
انـــــــا ويّـــاه لـــو مـــاحــــــن دنــاويّـه دنـاويّـه

المصدر: الملتقى الجماهيري للشاعر محمد بن فطيس المري