اهل التجارب

اهل التجارب

من عيون الشعر شليت النظر لاهل التجارب=ليت كلا ينظر بعينه ويعطيني اربها

انتشر في داخلي سم الحيايا والعقارب=والعيون تهل دمعتها وتستنكر طربها

وضع الامه صار مزري والهنى يا ناس غارب=وين قوم الامه اللي صارت تعزي عربها

والله ان فيوز مخي من هوان الحال ضارب=والمطيه راح صيت اللي على العزه كربها

قمت ادور للعزيمه داخل حدود المضارب=شفتها تبكي ثم اتسائلت وين اللي ضربها

قالت انا لذعوني في عروقي بالكهارب=لين ما باقي سوى الدمعات تظهر بي كربها

لا تدور للسبايب دام عز القوم خارب=الدما تجري ولكن ظاهرٍ فينا جربها

انتهى فلم البطوله وانتهى دور المحارب=لين سادات الكفر سادت ولا واحد حربها

شتتو عز العرب في وصف مستعرب وعارب=لين هجاد النصارى دمر القوم وصربها

لا تزيدون المواجع قلبي من الضيم شارب=وين ناموس الرجال اللي تمادت في ذربها

ابحرت عيني ولي في موجها مرسى وقارب=كل صكات الليالي راسي العاصي جربها

يا شموخ الذكريات اللي تعني كل شارب=والله ان الناس ضاعت يوم ما لحقة اربها

المصدر: الملتقى الجماهيري للشاعر محمد بن فطيس المري