قصيدتي في محمد ابن فطيس .......

قصيدتي في محمد ابن فطيس .......

السلام عليكم ورحمه وبركاته

يسرني ان اقوم بنشر هذه ألقصيده في اخي / محمد بن حمد ابن فطيس المري
واتمنى ان تصل له في القريب العاجل ...

يامحمد اقرب وهات النجر من خزنته
فنجال دله يقند من تقهوابها
فنجالها خمسه إبهارات في خنته
يجلي عمس عين قوم مات طلابها
تاتيك روس الرجال إليا عطا دقته
من كل قوم يشرفنا تقرابها
من يزرع الطيب يجني ياولد ثمرته
واللي زرع شجره الاشواك يشقابها
يموت غصن الحسد وتموت به شجرته
لو كان عرقه بوسط أبار يسقابها
نبى نسوق القدم للي نحر بكرته
اللي بيوته لضيفه شرعوا بابها
يقدم السيف لمحمد مع سلته
ويقدمون الجنابي له مع إنصابها
اللي عيونه عيون الحر في نظرته
من روس قوم على الشدات يحكابها

وسلامتكم ابو حمد لو اكتب فيه لبكره ماوفيته حقه ويستاهل اكثر من كذا لكن هذي مشاركه رمزيه في هذا المنتدى العريق الذي يقوم عليه ايدي عامله بجد

أخوكم سعد ابن شلحاط

المصدر: الملتقى الجماهيري للشاعر محمد بن فطيس المري

اللي عيونه عيون الحر في نظرته

من روس قوم على الشدات يحكابها


صح لسانكـ واعتلى شانكـ قصيده تستحق التقيم

صح لسانك مبدع وابو حمد يستاهل