ياحمام

ياحمام

بسم الله الرحمن الرحيم

السلام عليكم ورحمة الله وبركاته
اخواني عذرا على الغياب
وتقبلوا مني اخر ماكتبت
انشاء الله تعجبكم


ياحمام ناح من فوق الغـصون
....................................... لاتنقض جــرح في قلبي قــديم
وش تبي بالنوح حركت الشجون
....................................... فـي جريح طاح والجـاني سـليم
بالبكا تكفيك يالـورق العيـون
....................................... خل عنك النوح للقلب الســـقيم
دمعة ابراهيم من فوق الجفون
....................................... مثـل دمــع(ن) هلته عين اليتيم
من حبيب حط فـي قلبي طعون
....................................... مثل ضرب السيف بيدين العديم
والله ان الزين فـي قتلي يمون
....................................... بس في فرقاه لي ظلم(ن عظيم
ماجنيت ذنوب يالغرو الحنون
....................................... غير حبك بالحـشـا دايم مقـيـم
الهوا والعشق يالريم المصون
....................................... جنة(ن) مير انت حولته جحيم
بالجفا حطيت في عقلي جنون
....................................... صرت بين الناس مجنون يهيم
في سكون الليل حطمت السكون
....................................... بالصـياح وبالبكا وانت بنعــيم
يالطيف العـود يالظبي الفتون
....................................... غير وصلك مالي علاج وحكيم
الدوا لجروح مجروحك يكون
....................................... شـوفتك ياســيد خفرات النظيم




النظيم / حي بالرياض

*
*
*
*

المصدر: الملتقى الجماهيري للشاعر محمد بن فطيس المري

صح لسانكـ واعتلى شانكـ ابدااااااااااااااااع

صح لسانك
ابيات رائعه
بانتظار ابداعتك ...

روعه يالعنزي روعه لاعدمناك

وعليكم السلام ورحمة الله وبركاته ,,

هلا هلا ابراهيم حياك الله ,,

صح الله لساانك وصح قلبك وكلك ولاهنت أحساس عذب ومشاعر رائعه جدا ً ,,

كل تقديري وتحياتي لك .

صح السانك يا الجزل ولاهنت

الاخ ابراهيم

صح لسانك حتى ترضى قصيده من الطراز الثقيل

لا املك الا ان اتابعها واتلذذ بقرائتها

تقبل تحياتي وخالص تحياتي

أشكر جميع الاخوان والاخوات الذين شرفوني

في مرورهم الرائع

وصح الله ابدانكم وتسلم الايادي

لكم تحياتي جميعاً