بس (يايمه) ترا القلـب مـن فرقـاك مـاع

بس (يايمه) ترا القلـب مـن فرقـاك مـاع

مل قلب(ن) يوم عديت راس الرجم فاع= وحتمى حاميه وأركا على حدب الضلوع
موقف(ن) كنت أبتعد منه قدر المستطاع = مرقب(ن) جدد غلا العام والفرقا تروع
يمة(ن) منها الشمطري وريح المسك شاع = مدهل(ن) فيه الغلا والنوايا والدموع
يا وجودي وجد من راح عمره في ضياع = وأنتهى في غرفة(ن) لا دخول ولا طلوع
كل موحاله مع السيب مما فيه داع =صاح لا والله جزروني على أخرت ألسبوع
و بري حالي ضاق بي نجد و فجوجه وساع = و أقبلت سحب العباير علي بكل نوع
بعض الاشياء من غلاها تخص ولا تشاع = بس يبقى ذكرها طيب حظ و زين شوع
و جعل يسقى قبل أعرف الذياب من الضباع =وقبل أعرف أن الشجر له من جذوره فروع
وجعل يسقى قبل مانشرة الموجز تذاع =قبل أعاف السبت وأشفق على عصر الربوع
قبل لا دري ويش فرق الثنية والرباع =و قبل لا ياتي بقلبي من الفرقا صدوع
يابعد لا باست الشال دمثين الطباع =يا كرى عيني ليا حترت والعالم هجوع
بعد مارحتي عرفت الحقيقة والخداع =وتضح لي و يش فرق السمو من الخنوع
والوجيه اللي عليها من الخسه قناع =لا على منهج (محمد) ولا دين (اليسوع)
شفت عقبك هافي الجد والذمه شجاع =و طول عمره مايعرف السجود من الركوع
وصار غالين القرايب على (راجح)سباع=وحسب أنهم قبل هذا على جنبي دروع
مالقيت من الليالي رواق ولا شراع=غير كرهي للوفا مع خبيثين الطبوع
جعللي في الامر خيره و بالضيق أتساع =واحمد الله لو لحقني من الايام جوع
و دري أن ماعقب فرقى المحبين أجتماع =وخابر أن الموت سيف الهقاوي والرموع
بس (يايمه) ترا القلب من فرقاك ماع =مثل ماماعت من النار ذابلت الشموع
ياغلا العالم لو أعمار خلق الله تباع =كان بعتك نص عمري بلاش بلا رجوع
صار حتى (حضار) عندي من أحب البقاع =الغلا له والمشاعر توارد له جموع
فيه قبر(ن) غادي من سنا نوره شعاع =في (عيوني) عنده أخبت واعلنت الخضوع
يحتوي تحت النصايب حبيب(ن) الي مطاع =من عرفت أسمي وأنا ماشي(ن) برضاه طوع
الله الله فيه ياقبر والدنيا متاع= والله ماصخيته ولا نيب من شوفه قنوع
لاكن أمر الله ولا فيه شك ولا نزاع =واهني اللي رضا وعنى عين الجزوع
أيه .. يادايل ضوى الليل في راس الرفاع =بين صادقت المشاعر وحارقت الدموع
و يعلم الله ماجرح خاطري مثل الوداع = يوم سلمني الامانه ضحى يوم الربوع

المصدر: الملتقى الجماهيري للشاعر محمد بن فطيس المري

رائعة يا الشاعر

صح لسانك

الله المستعان والله مدري وش اقول ياراجح كود الله يصبرك ,,

صح الله لسانك وصح قلبك والله يكون بعونك ويجمعك بها في جنة الفردوس الاعلى ,,

لاوجد ولاطرق ولاتركيب ابيات من قلب على ماقالو تحياتي لك وكل تقديري يالجزل.

اقتباس:
المشاركة الأصلية كتبت بواسطة السيد رضا السيد الهاشمي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
رائعة يا الشاعر

صح لسانك

صح بدنك وشاكر مرورك

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله المستعان والله مدري وش اقول ياراجح كود الله يصبرك ,,

صح الله لسانك وصح قلبك والله يكون بعونك ويجمعك بها في جنة الفردوس الاعلى ,,

لاوجد ولاطرق ولاتركيب ابيات من قلب على ماقالو تحياتي لك وكل تقديري يالجزل.

مشكور ياغالي مرورك وكلماتك محل تقديري يالقرم تحياتي لك

يـاغــلا الـعـالـم لـــو أعـمــار خــلــق الله تــبــاع
كــان بعـتـك نــص عـمـري بــلاش بـــلا رجـــوع

راجح دايل المشعلي
قصيدة من اجمل ماقراءت تسلم وتقديري اخي لشخصك
والله يرحم والدتك وربي ادمعت عيني لقراءتي هذة الابيات
يارب مسكنها جنات الفردوس
الام مهما كتبنا عنها فنحن مقصرون اية وربي وجعلك للجنة
وعتلاشانك ولاهنت وردالكون لقلبك
وتقيمي لسموحرف وفكرك وقافك الجميل