الحياه الممله

الحياه الممله

صرنا نتكلم مع بعض بالدقايق
والا قبل ..؟ ناخذ من الليل كله
كنا نمد من الخيال الحقايق
ما نعرف اش تعني الحياة الممله ..؟
كانت سوالفنا لها البال رايق
ما ننتظر من بعضنا أي زله
واليوم أشوفك منت للحال طايق
منت بطبيعي .. داخلك ألف عله
وشفيك صاير تنفعل واتضايق
اللي مضيق خاطرك أنت خله
لو كنت أنا اللي مضايقك بالخلايق
قلها : ( فمان الله ) و دربك تدله
وكانك تحس من بيننا انسان عايق ..؟
احساسك أشهد ما صدق معك والله
لو تفتح الخافق وفيه اتهايق ..؟
تشوف زولك ما معه غير ظله
ارتاح كان انك من الشك ضايق
الدمع لا تسمح لعينك تهله
الحزن ما هو في ملامحك لايق
احجاجك اللي منعقد ضيق فله
قرب و اخذ مني كلام الوثايق
و من مر قدامك على الدرب قله
ان انت حلمي بين كل الخلايق
ما غير حبك ساكن القلب والله ..!

المصدر: الملتقى الجماهيري للشاعر محمد بن فطيس المري

قرب و اخذ مني كلام الوثايق
و من مر قدامك على الدرب قله
ان انت حلمي بين كل الخلايق
ما غير حبك ساكن القلب والله ..!

" عبد العزيز "
ابدعت في الاختيار سلمت الايدي وانتظر جديدك الرائع ,,,

كل الاحترام والتقدير لشخصك .

كانت سوالفنا لها البال رايق
ما ننتظر من بعضنا أي زله
واليوم أشوفك منت للحال طايق
منت بطبيعي .. داخلك ألف عله


... عبد العزيز ...

ذائقه فذه غير مستغرب منها هذا النوع المميز

جميل ماطرحته هنا استمتعت بالمرور

تقبل تحيتي دمت بخير

عبدالعزيز

صح ذوقك على النقل وصح لسان الشاعر على هالابيات الرائعه

تقبلي تواجدي لاعدمنا جديدك الراقي

تحياااااااااااااتي

الــ ع ــيــون
اســ ع ـــدنـــي
مــروورج بــمــتــصــفــحـــي

نـايــف
مــرووورك بــمــتــصــفــحــي دلــيـــل ع ذووقــك الـراااقـي
اشــ ك ــرك
ع الــمــرور

البرنس
اسعدني تواجدك
تحيااااااااتي