واقع من الخيال

واقع من الخيال

سرا الليل وعيوني تخايل على نجران=ودار الفكر وازريت اجمع مضامينه
تخيلت دولاب المعاني معه ميدان=وانا الفارس اللي حث الاقلام بيدينه
تقابلت في شعب غبث مع ملوك الجان=وكلا بدا ينشر علينا تلاحينه
ولا شفت نفسي غير فالوادي وطفشان=اسطر معاناتي على لوح فلينه
واسولف معى نفسي وانا تايه وحيران=مثل من تجنى ثم نزح عن محبينه
اناجي طيور الجو واسابق العقبان=واغازل معاني الود في روح مسكينه
لفاني معى هاروت وماروت ابن طرفان=ولا نالني سحر المغني ولا عينه
سوا اني بديت اشك والوضع زان وشان=بعد ما قذفني روخما في بساتينه
تهيا امامي زي عرض البحر ثعبان=تمشيت جوفه ثم تسبحت في عينه
معى العلم باني ما تبللت يا عربان=سوا يومه اسقاني البحر من شرايينه
تجرعت مر الموت والضيق والحرمان=وقلبي تفجر يوم ثارت براكينه
وغرغرت لكن ما حضرني سوى الشيطان=وقال اترك حروف الشعر واترك سنينه
او انا على قتلك نشد الفرس بعنان=وكلا على فعله يبين براهينه
وزمجرت باعلى الصوت يا الله يا رحمن=تغيث الضعيف اللي يحوفه معادينه
واذا بي ممدد والجسد منهك وتعبان=وجاني رفيقي قال قد شيفتك شينه
اظنك يا ابن لجواد في ذمتي سكران=توكل وهات القول واسرد مضامينه
توكل توكل هات علمك وانا ابن فلان=عسى تنفرج يا اخوك وابشر بها زينه
وانا ما ني مصدق باني معه للان=سوى يوم لامس راحت ايدي بكفينه
توجهت للرحمن ربي عظيم الشان=حمدته اله الكون باسط اراضينه
عظيم الجناب اللي له الملك والسلطان=ولا غير ربي يعرف الحق ويعينه
وهذي رؤوس اقلام قصة شريفٍ كان=يخلد تعابير العرب في دواوينه
سكن في خفوقه حسه اللي بوقعه بان=وشل المعاني كلها في وسط عينه
سل الجن عن ناصر وتلقى الشعر عنوان=يبروز قوافي شاعرٍ بان تكوينه

المصدر: الملتقى الجماهيري للشاعر محمد بن فطيس المري

تخيلت دولاب المعاني معه ميدان

وانا الفارس اللي حث الاقلام بيدينه

تقابلت في شعب غبث مع ملوك الجان

وكلا بدا ينشر علينا تلاحينه

ناصر الشريف

مافيك حيله صح لسانك على هذه القصيده الراقيه بكل مافيها

لاعدمنا جديدك الممتع والمميز

تقبل مروري ولك كل التقدير والاحترااام

تحيااااااااااااااااتي

... ناصر الشريف ...

الله الله االله الله الله

ااالله على هذا النص المميز صح لسانك ياناصر ابدعت ياذيب

اهنيك على ماادرجته مميز لاعدمت تواجدك وجديدك

تقبل مروري تحيه لك

ناصر الشريف .
صح الله لسانك ولاهنت اخوي وبأنتظار جديدك ..
احترامي لشخصك ..

هنا يكشف لنا ناصر حقيقته مع الجن واعوذ بالله من الجن .. ناصر شاعر كبير ولا يحتاج شهاده .. يلعب بالمعاني والكلمات كيف يشاء .. نص شامخ من شاعر شامخ .. صح لسانك يابو حسين ملايين

الله عليك

صح لسانك ابيات رآآآآآئعه من شاعر اروع

لا هنت على هذا النضم الجميل

تقبل مروري

البرنس السعودي صح بدنك والله لايهينك على المرور


والاطراء وتسلم على الاقباس

تقبل تحياتي وخالص تقديري

الله الله

اخوي ناصر صح الله لسانك واعتلا شانك

لك كل الود والاحترام

أبياات قمـه يا ناصر .. صح لسانك مليووُن يالذرب..ولا هان نبضك


شكراً لـ بوحك..

تقبل مروُري

نايف الشمري تسلم تسلم تسلم

صح بدنك والله لايهينك على هذا المرور الرائع

واشكرك على الاطراء تقبل تحياتي وخالص تقديري