سهم البراءة

سهم البراءة

سهم البراءة

=======

فيصل الباهلي


....


ساكت ويقراني بنظرات مرتاب
وعيوني تيسّر عليه القراءة
نطّقني بصمته قراني ولا تاب
سلط على سطر التعالي إضاءة
ولفت في مخزن خفوقي له كتاب
حكيه مقرر كن فكري وعاءه
حرّزت نفسي بالسمو بس ماهاب
جماله الطاغي على كبرياءه
ماودي أكسر شوكتي عند الاجناب
برج الشموخ إن طاح يصعب بناءه
من حقه أفصح له لو الجرح ماطاب
مادام داءه عكس ناتج دواءه
زينه سطا طق بصفا قلبي أطناب
أحكم مناسيبه ووثّق بقاءه
يجتاحني بالشوق من كل الابواب
خلاااص قلبي حن واعلن ولاءه
تعبت أقاوم حسنه بعز مرتاب
نجمي سما لكن سما في سماءه
ثوب الكبر ورّث على نفسي أتعاب
صمت ٍ على قلبي يجر الإساءة
طال السكوت وهمّ بي حمل الاعجاب
وطاش الهيام وسال حبر الجراءة


......






.

المصدر: الملتقى الجماهيري للشاعر محمد بن فطيس المري

وعليكم السلام ورحمة الله


صح لسان الشاعر فيصل الباهلي


ولا هنت رشيد لجلبها هنا


قصيده رائعه جدا وصح ذوووقك


تحيتي وتقديري وتقيمي ونجومي

صح لسان الشاعر الباهلي
وسلم راسك اخوي رشيد على النقل المميز
تحياتي وتقديري

اشكركم جزيل الشكر احبتي
-