تسجيل دخول

تسجيل دخول

تسجيل دخول

سجلت في قلبي دخولك على طول
..... وغنت جروح القلب فيكم نشيده

كلمة المرور

وكلمة مرورك جابها منك مرسول
.... وبدلتها وارسلت كلمه جديده

ملف

واصبح ملفك داخل القلب معزول
... وحفظت به من دم قلبي قصيده

تحرير
وسويت لك تحرير عن كل مجهول
... متوسط ٍ بين الخفوق وّريده

عرض
وقدمت لك عرض ٍ من القلب منقول
... لأجل أثبت انك بالضماير وحيده

المفضله
وبمفضلة قلبي عن الغير محمول
... ما اضفت غيرك يالفتاه الفريده

الخلف .. الامام
وللخلف لو ترجع ترى الخلف مقفول
... رح للأمـام وفك صفحه جديده

عنوان
واكتب على العنوان للغير مشغول
.... حنـّا سكنـّا وارسلي في بريده

تسجيل الخروج
وأن كان ودك تترك القلب مشغول
... سجل خروج وشب فيني وقيده

ايقاف
وان شفتني هالك على الدرب لا حول
... أظغط على ايقاف وأقرا القصيده

تحديث
واظغط على تحديث وتشوف مدلول
... وكل الكلام اللي قريته تعيده



منقوله

المصدر: الملتقى الجماهيري للشاعر محمد بن فطيس المري

اسفه مايعرف شي عن المنتدى

يعني انا حطيت القصايد المنقوله بقسم الشعر والشعراء ما انتبهت للقسم هذا الا الان

ماهناك مشكله
الله يحييك
لكن ياريت يكون اسم الشاعر موجود
لحفظ الحقوق .
-
اشكرك عالقصيده