فاح القصيد

فاح القصيد

فاح القصيد يوم انغلى غلية البن
من زود مابصدري كلامي نسيته

هاك البيوت وانت الحكم فيها ياهن
واحكم بعدلك وبضميرك رضيته

وش حيلة اللي بالهوى قد تجنن
قلبي هواه وأنا رضيت وهويته

والعشق جنه لو العاشق مايحزن
بحزة غروب الشمس دمعي عصيته

والعشق سم براس سهمٍٍ مسنن
وسم الوله والعشق والله خذيته

وليا خذيت ساعه تذكرت واصفن
يطري عليه والبلا لاطريته

هم ٍوسط سمٍ وسط نار يحقن
بين الضلوع بقلبي اللي سقيته

سبحان مقوس حاجبه فوق رمشن
خلا دواي بناظره لابغيته

فكري وروحي والمشاعر يحنن
أبيع كل الخلق وقربك شريته

من يوم سال الدمع من ناظري كن
أسمع نياح الكون باذني وحيته

خلايا دمي وسط جسمي ينادن
تكفى لاترحل والبعد ماقويته

هذي سحايب عشقنا دوم يسقن
ورد الوصال وزرعنا اللي حميته

وهذا مكانك وسط قلبي بتسكن
وهذا سياج البيت يومي بنيته

والنار تغلي فوقها من اشقر البن
ياراعي الفنجال كيفك وفيته

المصدر: الملتقى الجماهيري للشاعر محمد بن فطيس المري

الله عليك احساس راقي

صح لسانك يالشاعر ولا هنت قصيدة جزلة

تحيتي وتقديري وتقيمي

أم عمر
الارقى مرورك العطر
شاكر لك هذا الاطراء الجميل سلمت اناملك

صح لسانك اخوي
شاعريه جميله

رشيد
صح بدنك
الاجمل مرورك الكريم