خاطري بس تسمعيني

خاطري بس تسمعيني

((خاطري بس تسمعيني))


لا تصدين وتروحي.............. باقي بقلبي كلام


خاطري بس تسمعيني..............مثل ماكنت اسمعك


بعدها شقي الرسايل

وهملي كل الغـرام

وهدمي كل مابنينا

ورحلي والله معك




اذكري وشلون كنا كيف عشنا في سلام


كيف من شوقي اجيلك ببتسامه وجمعك


كيف المـــك

كيف اضمــك

كيف اشمـــك
بهتمـــــام


كيف يوم اني بكفي ابريلك مــدمعك


كنت لجلك ماابات الليل لجلك ماانام



خايف احلامك تفزك ثم تشقي مهجعك



عاشقك يابنت حبك


حب ماله من ختام


زود مايحبك يغـــار


من الهوى على اصبعك


لا تصدين وتروحي باقي بقلبي كلام



خاطري بس تسمعيني مثل ماكنت اسمعك







ثامر العنزي

المصدر: الملتقى الجماهيري للشاعر محمد بن فطيس المري

الله الله

صح لسانك اخوي ثامر على هالقصيده

والله يعطيك العافيه

لاتحرمنا جديدك

يشرفني ان اكون

ممن اتيحت لهم

فرصة المرور

وتذوق ابداع قلمك

فسلمت يمينك

ودمتـ بود

مررت من هنا فزرعت احرفي

اختك
صمتي شموخ

صح لسانك ياثامر .. دائما ماتكون نصوصك قريبه من القلب وجميله ولكن

للاسف هذا النص يوجد فيه كسور ياليت لو ترجع لها وتضبطها لأن النص

جميل ..


عندك الشطرين التاليين فيه كسر

وهدمي كل مابنينا ورحلي والله معك


كيف يوم اني بكفي ابريلك مــدمعك


تحياتي الحاره لك يالعنزي

الله الله ياثامر

صح لسانك وعلى شانك

وملاحضت اخوي امير في مكانها

ياليت لو تعيد عليها بس لان النص جميل جدا

لك كل الود والاحترام

اولآ ياهلا وغلا بكم يالغوالي وصحت ابدانكم حتى ترضو

ثآنيآ: مرحلة الكسر يابعد راسي
مرحله مبطي وفتناها

لكن مالومكم يالغوالي النطق للابيات
غير القراءه
تنكسر بالقراءه

ولا تنكسر بالنطق
على العموم لاهنتم وبيض الله وجيهكم
والقصيده ان شاء الله بتسمعونها بصوت
فنان عما قريب

لكم صادق الود

... ثامر العنزي ...


االله االله االله

ماأجمل هذه العذوبه ياثامر انت مبدع عزيزي

استمتع جدا في المرور بمتصفحك دائما

لاعدمت هالحضور انتظر جديدك بكل شوق

تحيه لك

لاهنت على النقل المميز