ثورة الشعوب

ثورة الشعوب

يا نور عين الضرير اقبل عليه وعطه=موجز عن العلم عله يستريح بعماه

الضيم والظلم سوا فالعرب لخبطه=والياس هد الركاب اللي تحاما حماه

يئست والهم جوفي والكلام اشعطه=والليل ينزاح وانا ما اهتنيت بكراه

يكفي مشينا معى ذا الناس متمرمطه=واليوم قامت شعوب الكون ضد زعماه

في تونس الحق دوا والعرب محبطه=يوم انبثق نور صوت الحق دوا صداه

والذيب ما زاد عين شي يتعرطه=والضيم فكك مساجينه وفك اقطراه

اجسادنا صارت لقوم الحكم مخبطه=والعز بقلوبنا ميت وفاقد ضياه

يا تشرط العلم والا تستمع با اشرطه=واقول لا للظلام اللي غشانا عناه

وبقومت العز حسني من وقف واسقطه=هل طيشه اللي وضع حده ام انه غباه

ام ان شعبه تهور والغبى ورطه=ام انه الظلم فجر كل بير وغطاه

واحنا على العز في قلب الخليج اربطه=الحق في دولة التوحيد بين سناه

قلب وشرايين والتوحيد نستنبطه=من داخل كتاب ربٍ دوم نطلب رضاه

حكومةٍ تخدم ابنا الشعب وتسلطه=والشعب في خدمة الدوله وربي رعاه

هاك الكلام المبجل بالشموخ انقطه=ما دامت حروف شعر الكون تبحت خفاه

لا بان تاريخ مجد القوم قم وازبطه=لكن على الله الاقصى كيف تشرق سماه

لازم نروم العلا بالمرجله نقحطه=حتى نخلد على الانصاف نقل الرواه

يالله لا جاك سائل يا الهى عطه=فرج على امة الاسلام بغي البغاهِ

المصدر: الملتقى الجماهيري للشاعر محمد بن فطيس المري

اللهم أمين ..


ناصر صح لسانك حتى ترضى ..

استمتع بقراءه هذا القصيده ..

والله يفحظ بلادنا وبلاد المسلمين من كل مكروه

ويديم عليها الامن والامان وطاعة الرحمان ..

صح لسانك مدد على هالقصيده


وشاعريتك محط اهتمام وفخر

تستاهل التقييم

الله الله


صح لسانك اخوي ناصر

ليس غريب منك الجزل


تقبل مروري

لك تحيه

::

ياسلام عليك يـ ناصر..شاعر أبياتك لاترضى إلا بالجزل
قصيده تصف حال العرب..وجت بوقتها

صح لسانك يالغالي..وألف شكر لـ نبضك

ابو حسين .. انت شاعر فذ من حق كل شاعر في المنتدى ان يفخر بك .. صح لسانك مليون .. لك مني جل احترامي

ناصر الشريف

صح لسانك

لله درك على الابيات الراقيه والمميز

امتعتنا بما قدمت ننتظر جديدك الرائع

تحيااااااااااااااااااااتي

اقتباس المشاركة الأصلية كتبت بواسطة أبو مشاري اللهم أمين .. ناصر صح لسانك حتى ترضى .. استمتع بقراءه هذا القصيده .. والله يفحظ بلادنا وبلاد المسلمين من كل مكروه ويديم عليها الامن والامان وطاعة الرحمان .. صح لسانك مدد على هالقصيده وشاعريتك محط اهتمام وفخر تستاهل التقييم

ابو مشاري صح بدنك والله لا يهينك

ويكفيني الاستمتاع من جهة القاري العزيز

والله يسمع منك ويتمم حفظه على الاسلام والمسلمين

ويديم الامن والامان صح بدنك وانا من يفتخر

بوجودي بينكم تقبل تحياتي وخالص تقديري

الله لا يهينك يالشريف قصيده اكثر من رائعه و في وقتها
وهنا يبان الشاعر الذي هو نبض الشارع في الوطن العربي
يشاركه الهموم والافراح والاحزان لا هنت وصح السانك وتسلم يميين خطّتها

صح لسانك واعتلا شانك يا أبو هاشم
قصيدة جزلة وفي الصميم لاهنت

اقتباس المشاركة الأصلية كتبت بواسطة عيوني حزينه الله الله صح لسانك اخوي ناصر ليس غريب منك الجزل تقبل مروري لك تحيه

اخي العزيز عيوني حزينه

صح بدنك والله لا يهينك على المرور

والاطراء الجميل والمتواصل

ومرورك بحد ذاته يشرفني

تقبل تحياتي وخالص تقديري