اخــاف مــن شــرهــة العــاقـــل ومــن صــده

اخــاف مــن شــرهــة العــاقـــل ومــن صــده

الطيب اللي قدم رجله علـى حـده

ماهو يقدم قدم رجله علـى حـدي

اعد عشره من اهل الطيب واعـده
واجزاه بالطيب ماني فيـه متـردي

والجاهل يصير في علمٍ مهـو قـده
على حقوق العرب مخطي ومتعدي

والمشكله كان صار قريّـبٍ جـده
ودي ومن حشمة الغاليـن مـاودي

اخاف من شرهة العاقل ومن صده
وخسارتي للرفيق ووقفتـه ضـدي

واصبر لو ان زلته ماسجلت ضـده
واسكت ولا ابيّن العالم على سـدي

لو كلمتـه موجعتنـي قدلهـا مـده
لكني اقول كم مـن يـوم وتعـدي

كله على شان قرمٍ ساعـة الشـده
للطيب جامع وللصعبـات متحـدي

من حشمتي له ومن قدره ومن وده
رفعت نفسي عن اللي ماهو بقـدي

ولا مـاوالله يـروح الا معـه رده
وان قال عساك تمزح قلت من جدي

ردٍ مثل حد سيـفٍ مرهـفٍ حـده
يبطي وهو ماينام الليـل مـن ردي

بعض الرياجيل لوتجبـره وتحـده
للطيـب تلقـاه لا ياخـذ ولا يـدي

نفسه من الطيب واهل الطيب منسده
متعشي بالـردى راسـه ومتغـدي

ان كان به شي يجرح خاطرك عده
وان جا اللزوم يهبا ماهوب متبـدي

ان راح ياجعلها روحـه بـلا رده
اما مع اهل الحمر ولا معا جـدي

المصدر: الملتقى الجماهيري للشاعر محمد بن فطيس المري