ياشعراء رائكم يهمني بدون مجاملة تكفون

ياشعراء رائكم يهمني بدون مجاملة تكفون

( غـــيــــث الـــقــــلــــوب )
تنبض عروقي بما جرى فيك يالقلب=وينطق لساني باخر افكار راسي
وتوحد(ن) في حب راعي الميامين=اللي على ميلات الايام راسي
يامرحبا ياللي له القلب يشتاق=اللي ليا طروه زاد الحماسي
هذاك ابومتعب على الطيب مبداه=العمر له فدوه وربعي وناسي
وحد قلوب(ن) كانت اضداد بالشور=وزار المريض وهون اللي يقاسي
واطلق لاهل سجن الزمان التباشير=وطيح عن المديون هم التعاسي
وهذا قليل الغيث ابو متعب الخير=اللي على هامات الارهاب داسي
حي الله اللي مانبي غير شوفه=فالقلب ثابت كالجبال الرواسي
النبيل ينشف مانشف مد يمناه=عطى الفقير وكل همه يواسي
هو رحمة الله بننا ياهل الدار=درع البلاد وحصن ثابت وقاسي
ينبوع ماينضب من الخير راهي=حكيم راهي وله عظيم المراسي
اطلق جناح العلم في كل روضه=واسس حصون وصاب هالجهل ياسي
والشعب في حبه سما فوق الامثال=ردوا على المقرود ياشين خاسي
هو ظلنا من دون شمس البهاذيل=هو ريفنا لو صافي الوقت حاسي
فالليل الاظلم نهتديبه وناصل=معدن ذهب ماهو بمعدن نحاسي
غيث القوب الممحله بالسواتي=وشلون ابذكر كل وصف وقياسي
يالله ياللي علم الاجل عندك =طول بعمره واجعل الخير كاسي
وطول بعمر اللي يحبه ويبغاه=وياهيه بشر مبغضه بالفلاسي
والخاتمه ورثت حبك للاولاد=اللي عليهم ينبني كل ساسي

ابي رائكم فيها شي مو زين او ما تعد قصيدة تكفون قولوا الصحيح

المصدر: الملتقى الجماهيري للشاعر محمد بن فطيس المري

يسلموووو
انشاء الله يردون لك الشعراء في اقرب وقت

عفواً في خطا مطبعي في شطر البيت
(يالله ياللي علم الاجل عندك)
الصحيح ( يالله ياللي علم الاجال عندك)

ابو نايف 2008

صح لسانك

بدايه موفقه واتمنى لك التوفيق
وتملك ادوات شاعر
الابيات تحتاج لبعض الصياغه غير ماوردت
ولكنها تحمل معاني جميله
ودام هذه من بداياتك
وتحب تستأنس برائ الغير ابشر بالخير ياابونايف
استمروسيكون لك شان في عالم الشعر بذن لله تعالي

أخوك / أخطل عرب
تحياتي ،،

صح لسااانك

قصيدة شامخة وبداية موفقة

ويستاهل ابو متعب

عندي نقد في الوزن في هذا البيت (

النبيل ينشف مانشف مد يمناه

عطى الفقير وكل همه يواسي)

ماادري عنه بصراحه ياليت نشوف اراء الاخوان

.،/
صح لسانك وأحساسك
بدايه موفقه
الله يعطيك ألف عافيه


دمت بود
؛

صح الله لسآنك ،، طيبه دآمهآ بدآيه وسر جمآليتهآ من قيلت فيه ..!


بالنسبه للبيت اللي يقول رآئد ،، أتوقع ان ابو نآيف يقصد (النيل) و ليست (النبيل) لذآلك لآ يوجد هُنآلك كسر من وجهة نظري و الله أعلم .

اولاًالله يحيك على انظمامك معنا والنقد لايعيب الشاعر بل يطور من مستواه

حتى ولوكان الناقد غير محق فالشاعر يقبل ذلك حتى يرتقي بنفسه ...

اخي لقد اهملت القافية في الصدر وهذا خطاء والضح

لاتهمل حسب ماقراءت إلا في بحر الهلالي والصخري وهذي القصيدة يبدو إنها على

المسحوب والمسحوب لايهمل فيه القافية وبي العلم فيه كسور في البيوت ولكن يكفي ان

اقول لشاعر احفظ الكثير من الشعر وحاول تكون على لحن يناسبك وتشتاق له حتى

تمارس وبعد ذلك تستطيع الابتكار ومقارعت كبار الشعراء بالمنافسة القوية وهذا

الامر بصيط لكن لابد من مثابرة وطموح تقبل ماكتبت ولك الشكر والعرفان

يوجد خلل واضح انا غنيتها على لحون عده فلم تستقيم بل كانت
غير مستقيمه مع الالحان ولوكانت مثلاً قلنا
اخطاء املائيه او لهجه كان بيت او بيتين الخلل
ويكون هذا على عدم فهم المتصفح للهجه لكن القصيده
غير مستقيمه تقبل كلامي بصدر رحب

صح لسسسانك ماقصرت