يا .. ( عراف القضى والعدل ) !!

يا .. ( عراف القضى والعدل ) !!

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين

يقول ::

يـا عرراف القضـى والعــدل قولوا لي وفيدوني=هو المجني عليه يجوز يتنازل من الجاني
أنا قلبي خذه خلي عقب صديت بعيوني =عساه يصدق انه ما سكن به واحد" ثاني
ولي تشهد عماريد الخفوق وضلعي الدوني =ومعاليق الحشا شاهد عيان ودم شرياني
خف الله فيني ورف بي دام ان قفت بي ضنوني =وناظر حالتي وارحم تراني فيك متفاني
وانا من يوم ما قفيت وخلق الله يعذلوني =ما انا اسمع كلمة القاصي ولا اسمع كلمة الداني
وعلى درب المحبة كل ما سرتني شطوني=اشوف ازوال خل" مبطي" منه ولا جاني
تقفي بي الروابع وانعزل واقول خلوني=تراني ضايق" صدري سبب مدعوج الأعياني
ما أنا ابغي منهم لا مر لي طاريك يلهوني=ولو انك مبعد" مني وأشوفك ما تعداني
وألا شكيت بأنهم برقوا فيني وشافوني=أعرض السالفة بالسالفة والشوق سراني
وألا مني نطقت اسمك وشفت انهم بيصيدوني=تعذرت ومشيت ارب ما سري لهم باني
وطيفك كل ما لقيت وجهي وضاق بي كوني =اشوفه قدم عيني كنه داري" بي ويدراني
جمالك راد لي موتي ويبغي الناس يجفوني=مهوب يخابر انه عزر بحالي وخلاني
والا منك نويت تعود فأسمعني يا مضنوني=تراني صاحبك الأول ولاني بواحد" ثاني
وتراني طالبك لا جيت لاتنشدني اشلوني =لكن قل لي اهنيك السلامه قبل تبلاني
يـا عرراف القضـى والـعدل قوولوا لي ودلوني=انا المجني عليه يجوز أتنازل من الجاني

تحيتي ...

المصدر: الملتقى الجماهيري للشاعر محمد بن فطيس المري

صح لسانك اخوي راشد على هالنص الشامخ

بالنسبه لتنسيق القصيده لا بد للكمات الموجوده في عنوان الموضوع تختلف كلياً عن الكلمات الموجوده داخل محتوى الموضوع

حاول عند اقتباسك لكلمات من الابيات لوضعهاا عنوان .. تزيد عدد الاحرف او تسوي مد على شان تختلف عن الكلمه او الجمله الموجوده داخل تنسيق القصيده

بصراحه امتعتني بهذا النص الثري .. لله درك ولا هو غريب عليك الجزل

لا حرمنا نبض حرفك يالقرم ..

ولا خلا ولا عدم

يا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]قولوا لي وفيدوني
هو المجني عليه يجوز يتنازل من الجاني
أنا قلبي خذه خلي عقب صديت بعيوني
عساه يصدق انه ما سكن به واحد" ثاني

******

والا منك نويت تعود فأسمعني يا مضنوني
تراني صاحبك الأول ولاني بواحد" ثاني
وتراني طالبك لا جيت لاتنشدني اشلوني
لكن قل لي اهنيك السلامه قبل تبلاني

قلبك ابخس .. وترى العفو من شيم الكرآم .

صح لسآنك على هالجزله الغير مستغربه ..ارويتنا شعر ...لله درك .

تحياتي وتقييمـــي .

اقتباس المشاركة الأصلية كتبت بواسطة أبو مشاري صح لسانك اخوي راشد على هالنص الشامخ بالنسبه لتنسيق القصيده لا بد للكمات الموجوده في عنوان الموضوع تختلف كلياً عن الكلمات الموجوده داخل محتوى الموضوع حاول عند اقتباسك لكلمات من الابيات لوضعهاا عنوان .. تزيد عدد الاحرف او تسوي مد على شان تختلف عن الكلمه او الجمله الموجوده داخل تنسيق القصيده بصراحه امتعتني بهذا النص الثري .. لله درك ولا هو غريب عليك الجزل لا حرمنا نبض حرفك يالقرم .. ولا خلا ولا عدم

لاهنت يا ابو مشاري

وصح الله ابدنك

وبيض الله وجهك على المعلومة اللي نورتني

تحيتي ...

اقتباس المشاركة الأصلية كتبت بواسطة الهــــــــوى يا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]قولوا لي وفيدوني هو المجني عليه يجوز يتنازل من الجاني أنا قلبي خذه خلي عقب صديت بعيوني عساه يصدق انه ما سكن به واحد" ثاني ****** والا منك نويت تعود فأسمعني يا مضنوني تراني صاحبك الأول ولاني بواحد" ثاني وتراني طالبك لا جيت لاتنشدني اشلوني لكن قل لي اهنيك السلامه قبل تبلاني قلبك ابخس .. وترى العفو من شيم الكرآم . صح لسآنك على هالجزله الغير مستغربه ..ارويتنا شعر ...لله درك . تحياتي وتقييمـــي .

صح الله ابندش

والله لا يهينش على المرور الطيب

والحضور المميز

والذوق الرفيع في انتقاء الأبيات

تحيتي ...

لاهنت اخوي راشد
نص جميل وانت شاعر
والله يعطيك الصحه

ولا انت

والجميل مرورك والرووعه حضور يا الأ محمد

تحيتي ...

اشكرك اخوي راشد نص جميل جداً وراق لي يابعدي

اشكرك على النص

تقبل مروري

صحــــــــــ لسسِأأأنــكِ

صح الســانك أخ راشد وبيض الله وجهك على النص الراقي
لاهنت