لو من غزة الابره

لو من غزة الابره

السلام عليكم ورحمة الله وبركاتة

اخواني واخواتي يسعدني جدآ جدآ ان اكون متواجد بينكم

في هذا المنتدى الموقر

واشكر كل من قام عليه وعلى راسهم الشاعر القدير محمد بن فطيس

احببت ان اصافحكم في بهذي القصيدة اتمنى ان تكون تحوز على رضاكم

اخر جديدي

ابيات كتبتها في والدتي العزيزه التي ترقد الان في العنايه المركزه اتمنى من الجميع الدعاء لها بالشفاء ..



البيت من عقب زولك مايسليني ... أشوف مجلاسك وتخنقني العبره

امر دارك واشوف فراشك بعيني ... خالي مكانك وياوسعه وياكبره

اجيك وسط العنايه وماتعرفيني ... محتار واقول ياربي وش الدبره

اقول يمه وياالله انك ترديني ... متغير ٍ فيك حتى الصوت والنبره

دكتور هذي هي امي شمعة سنيني ... ارفق عليها ولو من غزة الابره

شفني امامك وقطع ماتبى فيني .. وكمل به امي وماتحتاج من جبره

اليوم صرتي جديدي وكل عناويني ... والقلب ضايق ومل اليوم من صبره

خانقني الضيق ولابه من يواسيني ... اشوف مجلاسك وتخنقني العبره

لراشد الفهيد

المصدر: الملتقى الجماهيري للشاعر محمد بن فطيس المري