قيادة المرأة..وحملة ( 17 مايو)..موضوع للنقاش الجاد

قيادة المرأة..وحملة ( 17 مايو)..موضوع للنقاش الجاد

السلامُ عليكم ورحمة الله وبركاته

مسائكم رضى وسعاده

موضوعي اليوم موضوع يخص المجتمع السعودي وقيادة المرأه والخلاف الدائر بين ( المؤيد والمعارض)..
والكل يعلم أن قيادة المرأه في مجتمعنا اصبحت قضيه تطرح بين كل فتره وفتره..
لكن في هذا الشهر..تطور الأمر وتجدد الحوار بهذه القضيه بشكل مثير..
وإتسع الخلاف بعد حملة (17 مايو )..التي قامت بها المواطنه السعوديه منال الشريف عبر الفيس بوك واليوتيوب وغيره من المواقع

والأن اعتقد ان الأمر أصبح اكثر جدلاً..بالرغم من ان عدد المعارضين يفوق عدد المؤيدين بـ أضعاف..وقد يكون موقف حكومتنا صعب سواءً بالرفض او السماح للمرأه بالقياده

وهذا المقطع لـ منال وهي تقوم بقيادة السياره في شوارع الخبر..

[youtube]

عموماً إخواني واخواتي..
لم أضع هذا الموضوع لـ إثارة المشاكل او ما شابه..ولكن لأننا نعيش في مجتمع واحد..ولأن الأرآء تختلف بهذه القضيه
احببت أن اعرف وجهات نظركم..وأن نناقش الأمر بالعقل والمنطق

لدي وجهة نظر وبدون تحفظ
سأطرحها بإذن الله بعد قرآءة أرآئكم

الموضوع لـ النقاش..ولكم حرية الرأي

::
مع أطيب المُنى

المصدر: الملتقى الجماهيري للشاعر محمد بن فطيس المري

ليل : اولا تشكر على الموضوع المميز والمثير...
والذي اعتقد راح تطول النقاشات فيه....
انا سمعت المقطع كامل...
وبالتاكيد لي وجهة نظري...
والقضية اعتقد ان الكل يعي اهميتها وانتشارها بشكل لافت....
واعتقد ان الجميع يجب ان يشارك...
ويذكر وجهة نظره ..ويدع البقية يذكرون وجهات نظرهم...
بكل شفافيه وبدون تعصب...
فالموضوع للحوار والنقاش....
بكل تأكيد لي عوده ..
بإدلاء وجهة نظري...
ولكن الوقت لا يسمح لي الان...
فأنا قاربت على الخروج....
ولكن..
احببت ان اشكرك...
واوجه كلماتي السابقة للجميع...
شكرا ليل..
لي باااك...
(تم حجز المقعد)

طرح اجتماعي جميييييييييييييييييييييييل بتكلم فيه بكل صراحه

انا ماشوف ان المرأءه تحتاج لسياره يعني حتى اللي ماعندها والي >> في سياره خاصه لتوصييل موجوده
واذا في احتياج تكون لفئه محدده ( الارامل * مطلقات * مالها والي ولا عندها احد كبير مسؤل عنها )

سياقه المرأءه ماتجيب الا المشاكل والفضايح وشبابنا مايقصر نسبه الانحرراف زايدهـ بدون سياقه المراءه
بكرى الناس متجمعه مقارنه من يفحط احسن الشباب ولا البنات
>> احس شكلهااا وهي واقفه تعبي بنزين وهي تقول ( باي فل 91 مرره غلط وفيه جرح لانوثتها

والحمد الله / الله كرمها ونزهاا وحفظ كرمتهاا واعطهاا احترمهااا >> ليه يدورون الشقاء ؟!! ماعرف
صدق من قال حررررررررريم



لاهنت يالغلا على موضوعك
والله لايحرمنا جديدك المميز

هلاااا والله وغلااا ليل
والله الموضوع يعجبني هذا...
تدري ليش لأني أحب أناقش فيه

المهم بقووووول وجهت نظري
أنا معارضه وضد بقوووهـ

1: مستحيل وحدهـ تبغى تسوق وكل يوم أخذه معاها أبوها وإلا أخوها..
وحرام تخرج بدون محرم لأي مكان

2: إحنا ماشاء الله شبابنا زاحمين الشوارع وإكتفينا من الحوادث
يعني مانبغى زحمه زيادهـ

3: المرآهـ ضعيفه بالمرهـ كيف تبغى تخرج لوحدها بسياره
لوشافت حادث قدامها
الله أعلم إيش يحصل لها من الخووووووووووف


4 : ليش إحنا مانفكر بقيادة المرآهـ للسيارهـ
مين اللي جاب لنا الفكرهـ
وليش إحنا نتبع وحده متآثرهـ بفكرتهم

معقوله كل هذا لمصلحتنا وإلا يبغون يقارنونا مع الرجال بالسواقه
أصلا بالدين بيننا فرق إحنا والرجال
المرآه الأسلام عطاها كل حقوقها
والرجل كمان

بس ليتهم يفكونا من شرهم ماااااااانبغااااهم يطالبو بحقوقنا
إحنا نحب الحياة كذا أحلا
والله إنهم يتمنو تحضى المرآهـ عندهم
بنص اللي نحضى فيه إحنا بس بعيدهـ عليهم

صراحه اشكرك على طرح الموضوع هذا لاهميته
انامع صاحبة السمو لاداعي ابد لسواقتهن درا للمفاسد
الشباب ماهو ناقصين دافع

أنا أرى أن هذه القضيه أخذت أكبر من حجمها في الحديث والنقاش

المرأه السعوديه أعتادت على وضعها الحالي وأقلمت حياتها عليه

لم تتضرر منه أبدا بل تميزت عن غيرها من نساء العالم بهذا التكريم

فهي المرأة الوحيده التي تحظى بحماية وليها عند خروجها من المنزل

قد يكون في هذا الامر مصلحه للمرأه في تيسير بعض أمورها

لكن فيه من جلب المفاسد الشئ الكثير

وكما نعلم "درء المفاسد مقدم على جلب المصالح"

وقيادة المرأه للسياره نوع من أنواع الخلوه المحرمه والتي حذرنا منها

الرسول صلى الله عليه وسلم

ونحن نعيش في بقعة أعزها الله وكرمها بأنها لازالت تقيم شرائع الدين

وتحافظ عليها

ونحن بدورنا علينا أن نعتز بذلك لاأن نحاربه

السلام عليكم



موضوع جدا مهم ومسوي زوبعه عندكم بالسعوديه
وخاصة ويا المشايخ وغيرها !!!
مع انه تركوا المواضيع الاكثر اهميه وصاروا يناقدون لمواضيع بالكاد تكون مهمة !!!

لكن ارجع للموضوعنا


اول شي ننظر لها من منظور ديني حلال او حرام !!!

لانها ماشي يحرمها .. وبعدها للمجتمع .. ونمط العيش فيه
لان المرىه تختلف من مجتمع ولا كل سلوك يناسب كل مجتمع لذلك
السواقه بالسعوديه بتكون وايد صعبه لان اغلب الشعب متشدد ومن غير السوالف اللي تصير
وصراحه كفكره منتشره انه اغلب الطلعات لازم محرم مثل ماقالت اختي الفاضله فوق .. !!

مع انه كفكره السواقة شي عادي .. وبالعكس شي طيب للمرآه حيث انها تساعد الريال احسن من وجود
دريول !!!! يكون من خارج البيئه وشو يعرفنا باخلاقه ..
وهذا الامر يرجع للبيئه ونمط الحياه وايضا العادات والتقاليد تلعب دور مهم !!

بس برايي انا شخصيا !!
اذا البنت عندهم من يوديها ويردها يعني دريول
ومتكفل بطلعاتها وجيه ليه تشل هم سواقه ومواقف وزحمه وأرف !!
تريح عمرها والدريول يشتغل ^^ ليه التعب هع





والله يعطيك العافيه ع الموضوع


ونتريا يديدك

ليل العاشقين

موضوعك يثير جدل حتى ولو انك اردت من خلاله ابداء مرئيات وتوضيح توجهات


الاخوان كفوا ووفوا

ماعندي مايضاف على كلامهم

أما مايخص وجهة نظري

فهي مثل وجهة نظرك تماما

قد تقول : أني لا أعلمها هذا صحيح

ولكني بنفس الوقت لاأجلها

أشكرك على طرحك الواعي

وأتمنى لك مزيد من التوفيق

ياليل ياسلام عليك موضوع بناقش بكل جديه

بالاول هاذي من منال الشريف مسترجله هاذي والا شلوون

انا ضد ضد ان المراءه ان تسووق

تبغين اسوقين وعندك اشفايه لسواقه حلوو عندك البررر روحي سوقي يوم تشبعي

اما اذا من ناحيت ابي اروح لسوق وابي اشتري اغراض للبيت وزوجي ماهوب فاضي

مافي ابسط منهاا حطي سووواااق زين اذا زوجك ماهوب فاضي

اما ياخوان وياخواتي منال هاذي تسووق صدقني خلهاا تستمر على السواقه

ونا ماقولهاا كذا حطو خط احمر تحت انهاا تسووق قسم بالله يكثر الفساد

ويمكن وجهة النظر ووصلت لكم حلوو انا ضد ضد المراءه ان تسووق
قالت ابي اسوق قالت عجيب بنات اخر زمن مسترجلات


اشكرك على المووضوع الراائع والاكثر من الراائع

تحياتي لك ياخي الكريم

اشكرك على طرح الموضوع

انا اشوف مافيها شي المراه تسوق ليش لا

اول شي بخصوص فيه بنات ماعندهم اخوان يوصلونهم

وفيه مطلقه وارمله

وفيه ناس تحتاج تسوق مو عشان مظهر او غيره

لا فيه ناس تحتاج سواقه

عشان تلبي احتياجاته

واللى تقولك مامعها محرم اشوف البعض يركبون مع سواق وهو رجل ومامعهم محرم

يعني انا بالنسبه لي اشوفها اللى محتاجه ولا عندها اخوان تروح هي تسوق وتلبي حاجتها



احسن من تروح وتركب مع لموزين او تكسي وكثير ونعرف يصير مشاكل من تركب معه وهي ع اعصابها

بالعكس انتم شوفو من نظره فيه ناس تحتاج تسوق لان فيه ناس ماعندها لا خو ولااب يالبي احتياجاتها