سالفة الشايب والوايت

سالفة الشايب والوايت

الشايب والوايت

يسولفون عن شايب نوى يشتري له وايت علشان يسقي الحلال ,

وذالشايب متقاعد وشاريله رعية غنم وفوقها خمسين ناقه ,

فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.

عجب خوينا الشايب نظر هالوايت وهو ماشاء الله يبرق من بعيد ووقفته شي عجيب ,

قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون ,

وأستانس بالحيل لأنه ماهو بغالي.

ولا ذاك الرجال ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,
يوم طخوا كلهم و سكتوا..!..وهجدوا..!!..والتفتوا عليه!!!
يناظرونه..و يناظرون بعضهم..يوم تغامزوا ونقزله واحد منهم..
وسحبه على جنب وقاله شف يا رجال أنت باين عليك أبن حلال وطيب بالحيل ,
وش رايك لو نعطيك شيك بمليون ريال ذالحين ,,
ذالحزه بس مانشوف وجهك واقف معنا بالحراج .
انصدم الشايب ..
أفتر راسه شوي وقال هااااا..وش السالفة..؟؟؟
مليون ريال ..وليه..؟؟
قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟.
عطاه أسمه وكتب له الشيك بمليون ريال وصرف الرجال من الحراج وهو مايدري وش السالفه!!!.
طيب وش العلم علمني ..؟؟ علمه بالعلم.
أثر ذا الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون.
والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم.
وهم بعد أخترشوا شوي يحسبونه هامور وبيلطش عليهم المخطط ..
قاموا صرفوه بمليون ريال.. وهو ماصدق.
طاير من الفرحه,,مليون,,
ويقول بخاطره عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده.
الرزق مثل الأجل يتبعك






****** الله يرزقنا بمخطط بالغلط اقوول .. ماحولكم وايت للبيع هههههههههه....

المصدر: الملتقى الجماهيري للشاعر محمد بن فطيس المري

هههههههههههـأـأي يارب اصيير مثله هههه طفرانه
يسلمووووووووووو

هههههههههههههههه يارب

هههههههههههههههاي ياخي صدفه بس جعل الله يرزقني مثله

هع هع اشكرك على نقلك للموضوع بس سراحه عجبتني وش رايك نروح نعس ياسعود عن مخطط هع هع

تحياتي لك

مرريت

هههههههههههههههههههههههههههه
يآحليكـ حليلاهـآ ي الشيبة
ههههههههههههههههههههههههههههه

لاهنت ي سعووود
ويآليت تكثر لنآمثل هالموااضيع <<برآآ

يعطيكـ العافية

هلا والله وغلا بسعود .. .. وشلونك عساك بخيير والله اني اكتب الرساله وانا اضحك

يا زين هالاقدار زيناه .. .. الدنيا حضوض يا ناس .. مشكور يا سعود على هذي السالفه

تقبل مروري وتقييمي حماك الله .. ..

هههههههههههههههههه يالبى قلبه ذا الشايب ياجعله يصرفها بالعافيه

تسلم أخوي سعود استمتعت بالقصه

تحيآآآتي.

اللهم ان كان رزقي في السماء فانزلة
وان كان في الارض فاخرجة
وان كان بعيدا فقربة
وان كان قريبا فيسرة

’’ تقبل مروري ,,

والله ربي يقسم الارزاق الله يرزق الجميع
تسسسلم على القصه الرائعه

اقتباس المشاركة الأصلية كتبت بواسطة مبارك الشمري هههههههههههههههاي ياخي صدفه بس جعل الله يرزقني مثله هع هع اشكرك على نقلك للموضوع بس سراحه عجبتني وش رايك نروح نعس ياسعود عن مخطط هع هع تحياتي لك مرريت

هههههههههههههههههههه ودي بس خايف اتوهق ثم من عاد يفكني