صار عندي جديد؛ياحليلي...

صار عندي جديد؛ياحليلي...

لا مابدر منك ولا غلطه أبد
لكن انا بمشي وقلت أودعك
انا انجبرت اني أسآفر وابتعد
ابتركك للوقت وربي يحفظك
لا يكثر عتابك ولا تجرح بعد
هي الجروح الأوله ماكفتك؟؟
ماللحزن في داخل ضلوعي عدد
وشف هالحنايا تشتكي من طعنتك
فعلتك هذي دمرت فيني بلد
سكانه(احبك,وابيك,واعشقك)
افهم ترى النفس طابت يافهد
ودعتك الله وياعسى الله يحفظك

»»»أنتظر ردودكم واللي شايف شي غلط ينبهني عليه/تقبلو الود.ذووووق«««

المصدر: الملتقى الجماهيري للشاعر محمد بن فطيس المري

يــآسـلآم كـلآم وآآفـي


وأفـكآر تستاهل التقيم


صح الله منطوووقك يالبديع والله يسلم قريحتك الفذه

وتقبلي توآج ــدي

قصيده جميله تسلم وصح لسانك

بانتظار ماتكتب والقادم اجمل ان شاء الله











.

صح الله لسانج على هالاحساس ,,,
لكن انا بصارحج عشان انتي تستفيدين واحنا نستفيد منج ,,

اول شي : بيت اعجبني
لا يكثر عتابك ولا تجرح بعد
هي الجروح الأوله ماكفتك؟؟

ثاني شي : حرف " الواو " في هالبيت
ماللحزن في داخل ضلوعي عدد
وشف هالحنايا تشتكي من طعنتك
يكسر البيت .. والمفروض تبدين بـ شف على طول بدون الواو وبيكون موزون ميه ميه

فعلتك هذي دمرت فيني بلد

انا ما ادري انتي شلون كاتبته ,, اذا كتبتيه ,, فعلتك هذي ادمرت فيني بلد = موزون
لكن اذا قصدج ,, فعلتك هذي دمّرت فيني بلد = فيه كسر

افهم ترى النفس طابت يافهد
ودعتك الله وياعسى الله يحفظك

الشطر الاول فيه كسر ,, والواو في يا عسى بعد لازم تنشال

لكن كـ اسلوب ومضمون انتي فعلا شاعره والله يوفقج
وانا يمكن اكون غلط ، وان شاءالله الشعار الباقين يعدلون اذا فيه غلط

ذوق

صح لسانك يا رائع

ننتظر جديدك المميز

تحياتي

فعلتك هذي دمرت فيني بلد
سكانه(احبك,وابيك,واعشقك)
افهم ترى النفس طابت يافهد
ودعتك الله وياعسى الله يحفظك

قصيده رائعه تسلمين يالغلا
كل الود

صح لسااانش يالغلا
أكتفي باللي قاله لش أخوي السبيعي
ومنها للأفضل يالغلا


تحيتي

صح لسآآآنش كلمات أكثر من رآئعه
بانتظار المزيد المزيد << طمعنا

تحيآآآتي لك.

شكرا لكل من رد اخجلتووووني
حمد السبيعي/مشكوور ع التوضيح ماقصرت ياخوي

ذوق بصراحة انتي ذوق ولك بصمة في الابيات
تحية من القلب‘‘