والله انّـي عاذرن بدر الغريـب ...

والله انّـي عاذرن بدر الغريـب ...

طرق جديد وغرض جديد اتمنى تنال استحسانكم


ويـن ابَـلقـالـي مـعَ العـالم حبيـب = لا بنيت البيت ما بار وهـدَم
يـا بعيـدي ما شـكيـتك فـي قـريب = ويا قريبي ما شكيتك في ندم
والله انّـي عـاذرن بـدر الغـريـب = يوم غنّـى في جروحه من قِـدَم
كنّي ابْـ جرحه وهو شايخ عطيب = يآمـر وينـهي ، تلبّيـه الخـدَم
وكنّي ابْـ دمعه وكيف امسى غريب = كل ليلـه يطلق اِعنان القِـدَم
وكنّـي ابْـ سـالم وثاره فـي كليب = اربعيـنـن فـي خـفـوقه تحـتـدم
حظّي اللي جابني وسط الشعيب = ابدويّـن لا عشق , غدره عَدَمْ
ميـر هذي حكمة الوقت العجـيب = وكم رقى للطّود معتاد الرّدم


ولحد يلومني في بدر الغريب على قولتهم عشقي لاغانيه من ايام الصبا والطفوله .. واللي تصعب عليه كلمه ويبي يعرف معناها انا حاظر , واذا فيه انتقاد منكم استفيد

المصدر: الملتقى الجماهيري للشاعر محمد بن فطيس المري

ويــن ابلـقـالـي مـــع الـعـالـم حـبـيـب

لا بنـيـت الـبـيـت مـــا بـــار وهـــدَم

يسعدني اكون اول شخص يرد على موضوعك لاهنت

تقبل مروري

انا اسعد يالسنافيه ,, ولا هنتي

مرحبا ياحمد شاعر وباحث عن الفائده في هذا الصرح

وانا ملاحظ حرصك واجتهادك في توصل الفائده واستخلاصها من الجميع سواً لك او اعطاءه لغيرك

وهذا أن دل دل على رجاحة عقلك واستغلال وقتك وتواجدك

الله يزيدك من علمه ويتطور موهبتك وعذوبة اللي تغطى على جمال طرحك

بصراحه قصيده نالت على اعجابي بكل تأكيد فانتِ صاحب مفرده اعجز عن وصفها

اعجبني تلوينك البيت الاخير بالاحمر .. كأنك تعلم او أن صح التعبير تطلب من الاخوان سؤالك ..

او شرح البيت .. الطود او ان صح الطاد .. الجبل او المكان المرتفع .. والردم الخرابطه الله يكرم او بالعاميه السكراب .. المتراكم والمتردم ..


الله يوفقك ويجزاك خير على حرصك وانا حبيت اضيف اضافه لانك أنسان تحب الاضافه وتحب الفائده للجميع


لذا لابد لي اني اشاركك في هالمتصفح وان كنت على خطأ فما احد سالم من الخطاً دلني وسنتعلم من بعض وبكل سرور


صح لسانك مدد لا عدد والله يجزى الحروف خير يوم اجمعتنا بشخصك مثلك وشرواك

تقبل مروري واعجابي بما يحويه متصفك الشامخ

أخوك ابو مشاري

يـا بعيـدي ما شـكيـتك فـي قـريب = ويا قريبي ما شكيتك في ندم

صح لسآآآنك أخوي حمد نص أكثر من رآئع
ولايخلو كالعاده من التوريه والغموض

تحيآآآتي وتقييمي.

مرحبا والله ابو مشاري ...

انا لونت البيت الاخير لسببين ...

الاول اني ابي الفت نظر اللي يقراه لحال وقتنا الحين .,, وثاني شي مثل ما انت تفضلت انهم يعرفون معنى البيت .. وان عجز عنهم فهم كلمه مثل " الطود " لانها لا تستخدم كثيرا ومعناها مثل ما ذكرت " الجبل العظيم " في اللغه .. و " الردميّة " الكل يعرفها ...

وانا شاكر لك تفاعلك معي ومع القصيده ,, لاني احب الشخص يغوص داخل ليفهم المعنى البعيد وليس القريب ,,

وبالنسبة اني ابحث عن التطوير والفائده / الكل لازم يبحث عن التطوير وانا انتقد زملائي نقد بناء لاني احب لهم مثل ما احب لنفسي ,, لكن اذا كان البعض يتحسس من كلامي وانا ما اقصد اني انتقص منهم ولا من شاعريتهم ,, يا ليت يقول لي ,

مهما كان انا منكم وفيكم وانتوا اخواني ,, واللي ما فيه خير لاخوانه ما فيه خير للناس

اقتباس المشاركة الأصلية كتبت بواسطة الهــــــــوى يـا بعيـدي ما شـكيـتك فـي قـريب = ويا قريبي ما شكيتك في ندم صح لسآآآنك أخوي حمد نص أكثر من رآئع ولايخلو كالعاده من التوريه والغموض تحيآآآتي وتقييمي.

صح بدنج اختي الهوى ,, وهذا اللي يفرق الشعر عن النظم ..

النظم : وزن وقافيه فقط
والشعر : بلاغه وتشبيه وتصوير وتوريه واستعارات والا اخره من المحسنات البديعيه

اقتباس المشاركة الأصلية كتبت بواسطة حمد السبيعي مرحبا والله ابو مشاري ... انا لونت البيت الاخير لسببين ... الاول اني ابي الفت نظر اللي يقراه لحال وقتنا الحين .,, وثاني شي مثل ما انت تفضلت انهم يعرفون معنى البيت .. وان عجز عنهم فهم كلمه مثل " الطود " لانها لا تستخدم كثيرا ومعناها مثل ما ذكرت " الجبل العظيم " في اللغه .. و " الردميّة " الكل يعرفها ... وانا شاكر لك تفاعلك معي ومع القصيده ,, لاني احب الشخص يغوص داخل ليفهم المعنى البعيد وليس القريب ,, وبالنسبة اني ابحث عن التطوير والفائده / الكل لازم يبحث عن التطوير وانا انتقد زملائي نقد بناء لاني احب لهم مثل ما احب لنفسي ,, لكن اذا كان البعض يتحسس من كلامي وانا ما اقصد اني انتقص منهم ولا من شاعريتهم ,, يا ليت يقول لي , مهما كان انا منكم وفيكم وانتوا اخواني ,, واللي ما فيه خير لاخوانه ما فيه خير للناس

انت مكسب بكل فخر للفائده لأنك من سيحيي عروقها من جديد في فكر كل من يمر على متصفحك او المتصفح الذي تمر عليه

لا هنت على كلامك يا بو مشاري ... وعساها تعم الفائدة على من يبغاها

ويـن ابَـلقـالـي مـعَ العـالم حبيـب = لا بنيت البيت ما بار وهـدَم
يـا بعيـدي ما شـكيـتك فـي قـريب = ويا قريبي ما شكيتك في ندم
والله [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]عـاذرن بـدر الغـريـب = يوم غنّـى في جروحه من قِـدَم
كنّي ابْـ جرحه وهو شايخ عطيب = يآمـر وينـهي ، تلبّيـه الخـدَم
وكنّي ابْـ دمعه وكيف امسى غريب = كل ليلـه يطلق اِعنان القِـدَم
وكنّـي ابْـ سـالم وثاره فـي كليب = اربعيـنـن فـي خـفـوقه تحـتـدم
حظّي اللي جابني وسط الشعيب = ابدويّـن لا عشق , غدره عَدَمْ
ميـر هذي حكمة الوقت العجـيب = وكم رقى للطّود معتاد الرّدم



صح الله لسانك يا ذيبان وقصيــدة جزله


ودي