قلبي من الصدمآت ينبش كفنها

قلبي من الصدمآت ينبش كفنها

السلام عليكم
عسآكم بخير يالغوآلي
شهر مبآرك عليكم
بعد /آنقطآع رجعنآ

مدخل

طآح الغلا والحب من خافقي طاح=ذي غلطتك وانت تتحمل ثمنها
دآمك تشربني من هموم ياصاح=اليوم دورك وشرب الحين منها

~|آقول|~

المهره اللي تنعطى كل خيال=تنعاف لو بالسوق غالي ثمنها
دفنتها بالبيت هذا ولا زال =قلبي من الصدمآت ينبش كفنها
يابنت مآني من مطآنيخ ورجآل=ان كان مادست الرخوم وزمنها
مير البلا يابنت ماهو بالانذال=لن البلا دمعت عشيرك رهنها
مابين جرحك والتخلي والامال=وذيك الهنوف اللي جفاها دفنها
لو قلت لك ماقلت في كل الاحوال=لا تنشديني يوم يابنت عنها
لني قفلت ابواب من فوق الاقفال=وسديتها من شان مسمع لحنها
مير انبشي يابنت مابين الاجزال=يمكن بيوت صويحبك ماخزنها
وثم اسمعي لـلسآن خلك اذا قال=عن وصف عذرى صح ربي بدنها
اليا فزعت هدت تلاليع وجبال=واليا ركدت كن الخشوع احتضنها
وان قلت احبك شالت القلب مشيال=وان قلت ضايق ولـا عت في هدنها
ماهي كم اللي تطمع بكثر الاموال=ذيك الهنوف اللي جفاها دفنها
المهره اللي تنعطى كل خيال= تنعاف لو بالسوق غالي ثمنها
دفنتها بالبيت هذا ولا زال= قلبي من الصدمات ينبش كفنها

مخرج

لاصرت لي دكتور ومسبب الجرح=وشلون جرحآ من يدينك تدآويه
نزفت والموضوع مايقبل الشرح=صعبه يدينن تنزف الجرح تشفيه

آحسآس/آلمـجــآدل

المصدر: الملتقى الجماهيري للشاعر محمد بن فطيس المري

مدخل وقصيدة ومخرج رائعيييييين
صح لسآنك اخوي ثامر العنزي

تحييتي

خوي ثامر صح لسانك وبيض الله وجهك
على الرائعه وانت شاعربقوة يالعنزي

هلا والله ومرحبابك

تسلم على المداخله والقصيده الرائعه لاهنت ياخوي

وسلمت يمناك

آلله عليكـ
صح السسآنك وآعتلى
شآنكـ
ولاتحرمنآ جديدكـ
ودي,,

حيآك الله يـ ثامر عوده حميده وقويه بهالنص الاكثر من رائع
صح لسآآآآنك مدد,,ولاهنت.


تحيآآآتي .